Madrid, 3 de febreiro de 2021. Néstor Rego, deputado do BNG no Congreso, cualifica a votación sobre a convalidación do Real Decreto-lei da Reforma Laboral como a confirmación dunha “fraude” por incumprir as promesas e comproimisos de “derrogar a Reforma do PP de 2012”. Denuncia a falta de diálogo dos partidos do Goberno e o furto que significa “non permitir que a cámara debata e modifique o texto lexislativo”. O deputado nacionalista reivindica o papel da súa formación na loita por recuperar e blindar dereitos para a clase traballadora e avanza o rexistro dunha Proposición de Lei para derrogar de maneira íntegra a Reforma Laboral.
Durante a súa intervención, Rego criticou o feito de que hoxe se aprobe unha medida que non responde ao que ambas as formacións que compoñen o Goberno prometeran e mesmo acordaron con outras organizacións políticas- como no Acordo de Investidura co BNG-, derrogar a Reforma Laboral de 2012. “Que hoxe se aprobe coa dereita ultra-liberal – Ciudadanos e Navarra Suma- é a mellor imaxe que confirma que non se derroga a Reforma Laboral” explica Rego mentres sinala que o texto tamén conta co apoio da CEOE, a FAES, o Banco Santander e mesmo referentes do propio Partido Popular.
O deputado nacionalista cualifica como a confirmación dunha “fraude” a votación da Reforma Laboral, por manter os aspectos máis lesivos da Reforma aprobada polo Partido Popular en 2012. “Non tocan as facilidades e o abaratamento do despedimento, a autorización administrativa previa para os ERE, os salarios de tramitación, a prevalencia dos convenios de empresa, que poden empeorar os de sector, excepto nos salarios, a prevalencia dos convenios estatais, a posibilidade de “descolgues” dos convenios, a facultade das empresas para as modificaciones das condicións de traballo e a mobilidade xeográfica colectiva ou a distribución irregular da xornada, até 10%, por exemplo.” enumera o deputado do BNG.
“Terá que explicar vostede, señora Ministra, por que existindo unha maioría parlamentaria suficiente deciden ceder aos ditados da Unión Europea e contentar os intereses dos empresarios no canto de cumprir coa clase traballadora” subliña Rego durante a intervención. “Terán que explicar por que non quixeron recuperar a indemnización de 45 días por ano nos despedimentos improcedentes, por exemplo”.
Aliás, Rego defende a coherencia da organización soberanista “firme na defensa dos intereses da clase traballadora galega. O BNG vota en contra para forzar este Goberno a negociar unha proposta que realmente permita avanzar en dereitos”.
Nesa liña, Rego anunciou que o BNG impulsará unha Proposición de Lei que recupere os dereitos para a clase traballadora. Para iso, comprométese a procurar a concorrencia de todas as forzas da esquerda e soberanistas que votaron en contra desta convalidación “por considerala insuficiente e unha fraude” frente as promesas previas do executivo.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
