Ribadeo, 8 de febreiro 2022. Tito Suárez, coordinador de deportes dos populares ribadenses, asegura que “o alcalde e ao concelleiro de deportes do goberno local do BNG tratan de tapar a falta de traballo e responsabilidade con insultos e menosprezos. É o que levan facendo durante todo este mandato”.
Así o explica ao ter coñecemento a través dos medios de que “o goberno local do BNG acusa ao Grupo Municipal Popular de mentir” e aclara que “os que faltan á verdade a todos os ribadenses dende o minuto 1 sobre o estado do terreo de xogo do Pepe Barrera é o propio goberno do BNG e pódese comprobar pisando o propio céspede”. A este respecto, lamenta que “o goberno do BNG non tiña nin ten solución ao problema do campo de fútbol”.
Tito Suárez considera que, “se pretendían insultar ao este grupo ou a algún dos seus membros de forma concreta, saíulles mal: están a insultar ás entidades deportivas que utilizan as instalacións do Pepe Barrera”.
O popular aclara que “con insultar a este Grupo non se arranxan os problemas de Ribadeo, ese non é o camiño; o camiño é traballar por e para as entidades deportivas sen coaccionar a ningunha. O camiño é estar no día a día do tecido deportivo e asociativo e non enviar requirimentos a aquelas entidades que reciben colaboración da Xunta”.
“En definitiva, o camiño é estar cos pés na terra e ver que sucede cos clubs; coñecer os seus problemas, as dificultades que teñen para afrontar as temporadas e tratar de sumar e non de restar”, engade.
O popular indica que “unha das cousas que se ensinan no deporte, tal e como saberá o concelleiro deste ámbito, é que: cando un deportista, por bo que sexa, non rende ben, resta ao equipo; e este goberno moi entendido xa saberá cal é a solución cando alguén resta e non suma”.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
