A Mariña, 16 de marzo, 2022. Dende a “Plataforma de veciños afectados pola macro central hidroeléctrica do Xistral” queremos agradecer a asistencia dos veciños e veciñas á manifestación que tivo lugar o pasado domingo día 13. Sentímonos orgullosos da resposta da xente ao chamamento que fixemos por unha causa máis que xustificada: o noso rexeitamento a un proxecto que claramente quere acabar con noso entorno e forma de vida.
O domingo encheuse o noso Val de grandes persoas dispostas a dicir NON a este proxecto e deixar claro que a felicidade non se merca con cartos senón que é unha sucesión de momentos e recordos vividos e por vivir que nos fan sentir cheos de vida. Ao longo da andaina moita xente foi lembrando anécdotas e historias vividas nestas terras e ao mesmo tempo intentando aferrarse á idea de que este proxecto non se leve a cabo para poder seguir vivindo da forma que coñecemos e nos gusta.
Grazas aos veciños que nos arrouparon sen dubidalo nin un só instante e decidiron acompañarnos: uns a pé, en bicicleta e outros a cabalo. Todos eles merecen un forte aplauso, pois foron e son esas voces que en moitas ocasións nos dán ánimo para seguir adiante!
Tamén queremos agradecer a todas aquelas persoas que acudiron dende concellos veciños como Foz, Viveiro, Ourol, Burela, etc. e mesmo tamén doutras comunidades (Cataluña, Madrid, …) para mostrarnos o seu apoio e o seu rexeitamento a este atentado a modo de desfeita dun espazo natural e dun valor incalculable; pois eles tampouco entenden como non se valora o que nós temos aquí: calidade de vida, un entorno privilexiado e un modo de vida que moitos envexan.
A empresa promotora deste anteproxecto manifestou publicamente hai uns días que se había oposición da xente ao mesmo, eles estaban dispostos a non seguir adiante co seu proxecto. Pois, demostramos con creces que nós estamos respaldados por un apoio social amplo e somos moitos e moitas os que non queremos esta central hidroeléctrica no noso Val; presentamos ante o Ministerio 4.430 firmas e 160 alegacións e este domingo pasado volvemos a mostrarlles unha vez máis a nosa repulsa rotunda ante este proxecto. As nosas reivindicacións están máis que xustificadas e varios organismos e entidades do ámbito de medioambiente mostraron claramente as enormes consecuencias negativas que este proxecto provoca sobre o noso territorio, as poboacións, a paisaxe, a biodiverdidade, os recursos e ecosistemas dos que dependemos. Temos moi claro que este proxecto non responde á necesidade do noso territorio e non respeta a nosa biodiversidade, como tamén sabemos que de querer mellorar a nosa contorna, temos moitos recursos e potencialidade para facelo pero que dende hai moitos anos non hai vontade política para facelo.
Dende a Plataforma queremos tamén trasladar que seguiremos defendendo aos veciños e veciñas e que aquí seguimos en pé! Nas nosas vidas hai moito tempo para moitas cousas, pero non para rendirnos! Renovables SÍ, pero Non ASÍ!
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
