Ribadeo, 19 de marzo 2022. O voceiro do Grupo Municipal Popular de Ribadeo, Daniel Vega, considera “prioritaria” a construción dun novo centro de saúde. É por iso polo que lle costa entender que “o goberno do BNG tarde tanto en tomar unha decisión sobre a súa ubicación”.
Vega explica que “a consellería fixo o seu traballo achegando unha valoración técnica e agora está agardando que o goberno do BNG conteste e diga onde ubicar o novo centro de saúde”.
O popular explica que “o BNG non soubo encaixar moi ben a noticia da construción dun novo centro de saúde en Ribadeo xestionado con moito traballo e esforzo, discreción e humildade”.
“Nun primeiro momento, o goberno local dixo que chega con arranxar o centro de saúde existente; pero nós sabíamos que era necesario pedir un novo centro de saúde para incrementar e mellorar os nosos servizos sanitarios. Iso era o que pedían os veciños en moitas ocasións”, engade Vega.
O Grupo Municipal Popular pedía, dende o comezo, que “o goberno local aportara uns terreos que non tivo outro remedio máis que aportar despois da presión veciñal, dos propios médicos e persoal sanitarios e deste Grupo Municipal”. Ademais, o lugar debe ser de fácil acceso á autovía para que as ambulancias, en caso de que sexa preciso, cheguen rapidamente ao Hospital da Mariña; xa que o proxecto inclúe a agrupación dos servizos sanitarios, como é o 061, nun mesmo espazo.
Os populares piden uns terreos para construír o novo centro de saúde que permita incrementar os servizos sanitarios. É o que leva pedindo Ribadeo dende fai moito tempo e, polo tanto, esíxenlle ao goberno local do BNG “tomar unha decisión e aportar o terreo para construír o centro de saúde que queremos todos”.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
