Chámome Iria Cotelo, e son Auxiliar de enfermería, Delegada da CIG, e Responsable Local do BNG de Viveiro. Levo 12 anos traballando no centro de día de Aspanane, atendendo a persoas con discapacidade intelectual cun alto grado de dependencia.
O meu día a día en Aspanane consiste en realizar varias tarefas simultáneas: mentres tento dar unha atención individualizada, pois cada persoa ten unhas necesidades diferentes, teño que programar e impartir actividades, ir ao WC con quen o necesite, cambiar cueiros, dar de comer, intervir en conflitos, redirixir a atención de quen pode agredirse a si mesma ou a terceiras… sen esquecer os 60 informes que teño na mesa do ordenador dende hai 2 meses, sobre os que vou traballando como podo.
Son coidadora multitarefa, e saio polo módico prezo de 990€ dun salario base “negociado” en Madrid. Todo grazas ás reformas laborais do Estado con dereitos perdidos dende o 2012; e á Xunta que non baixa a ratio, nin crea centros especializados, nin esixe figuras como T. Ocupacional, E. Social, logopeda ou enfermeira, porque as coidadoras xa facemos de todo: do que sabemos, e do que non.
A Política “Social” do PP permite que estos centros sexan privados e sen concerto social, subsistindo a base de contratos anuais coa Xunta cunha perda anual do 15% do IPC e nos módulos-praza, dende que se asinou o convenio co bipartito. Tampouco ve necesario un convenio galego para mellorar as condicións das traballadoras, nin vota a favor das peticións populares por un Servizo Público de Atención ás Persoas.
A falta de recursos materiais e humanos repercute na atención ás persoas, pero iso non parece interesarlle á Xunta, nin tampouco ao goberno de Viveiro: “Viveiro acollerá a única residencia da comarca para persoas con discapacidade intelectual”, dicía a alcaldesa dous meses antes das eleccións municipais do 2019, sen ter nada asinado e rodeando co brazo a unha usuaria para a foto, mentres as familias de Aspanane celebraban a nova con ilusión e crendo o que lles contaban, eu observaba a situación estremecida.
Cinco anos de enganos. Con anuncios dunha residencia da que non existen nin os cimentos, e que non veremos en anos. Sen que a día de hoxe Loureiro tivera unha soa reunión coa voceira do BNG. Tamén o goberno de Viveiro, que sempre se chama “sensibilizado” votou en contra da moción do BNG para crear un Plan de Accesibilidade. En contra porque é caro, e porque non lle gustou o noso argumento de que as accións que se levan feito quedan en pouco ou nada.
Ao primeiro direi que para afirmar que é caro, é importante facelo con presupostos na man, que non tiñan. Tamén outros proxectos son caros e fanse, pero este non. O que se vén chamando de toda a vida, unha cuestión de vontade política.
Ao segundo, direi que está moi ben calquera acción para visibilizar ao colectivo, aceptar a doazón de mochilas vibratorias, facer unha avaliación da accesibilidade cognitiva no edificio do concello, ou as colaboracións puntuais con Aspanane. Pero iso non resolve as necesidades do día a día: unha persoa en cadeira de rodas non pode entrar no Concello sen axuda. Xa dentro, unha persoa con audífono precisa de bucle magnético no mostrador cando vai realizar un trámite. Ou vanlle proporcionar a mochila para iso? Sen falar dos obstáculos que teñen que sortear xs usuarixs de Aspanane cando pasean polos arredores.
É preciso un proxecto a longo prazo, por fases, para eliminar as barreiras que atopan as 16 mil veciñas e veciños que viven no noso concello durante todo o ano. Pois o PSOE, en contra. En contra dos dereitos e da inclusión das persoas. En contra porque, como xa manifestou Loureiro en varias ocasións, non lle gusta a forma de facer política do BNG de Viveiro. Coido que a planificación é o que non lle gusta, xa que rexeitou todas as propostas nacionalistas que incluíron a palabra “Plan”.
Estou esgotada, que non resignada, das políticas do PP-PSOE. As persoas con discapacidade intelectual, as familias e as profesionais non precisamos de actos e de titulares do Concello e da Xunta facendo campaña en vez de gobernar. Demandamos respecto e dignidade concretados en recursos materiais e humanos. O resto é todo fume que non resolve nada.
Teño moitísimo que aprender, pero se de algo sei e entendo é de atender e coidar ás persoas. Dende o BNG seguiremos traballando cunha política centrada nas persoas polo cambio, por protexer vidas, e por construír futuro.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
