Viveiro, 7 de maio de 2022. Dentro do proceso que o Concello de Viveiro realiza, con respecto ao estado de conservación dos inmobles, respectando os procedementos legais, vense requirindo aos seus propietarios para dar cumprimento á súa obriga de conservar as edificacións en condicións de seguridade, salubridade e ornato.
Cando estes requirimentos non son atendidos, por incumprimento, descoñecemento do propietario, imposibilidade de notificación, etc., o concello procede en último extremo a actúar de oficio mediante execución subsidiaria.
Nos últimos anos realizáronse mediante este procedemento varias intervencións importantes, ademais doutras execucións subsidiarias máis pequenas que se realizaron con medios propios.
Entre as intervencións importantes figura a levada a cabo con respecto ao inmoble situado en r/ Melitón Cortiñas, 26, esquina Juan García Junceda, 12. Neste sentido cabe sinalar que os traballos de demolición desta edificiación están practicamente rematados.
O expediente de orde de execución para ese inmoble iniciouse en 2019, de oficio, a raíz das labores de investigación do servizo de vixiancia urbanística. A orde de execución foi notificada aos herdeiros do titular catastral e, ao resultar infructuosa a notificación, procedeuse á publicación nos correspondentes boletíns oficiais.
Finalizado o expediente por resolución sen que se dera cumprimento á orde de execución ditada, en 2020 abriuse un novo expediente para iniciar a execución subsidiaria por parte do Concello de Viveiro. Tramitado o procedemento en virtude do artigo 44 da LPAC por resultar os titulares descoñecidos, finalmente ditouse resolución acordando a execución subsidiaria polo concello, a cargo dos titulares, dándose traslado aos departamentos correspondentes para a súa execución.
Posteriormente, despois de tramitar a preceptiva autorización sectorial da Dirección Xeral de Patrimonio Cultural, o Concello de Viveiro procedeu á demolición deste inmoble mediante execución subsidiaria, subsanando a situación existente e os riscos derivados do seu estado.
Cabe lembrar que este inmoble sufriu un incendio a finais do século pasado e que, na actualidade, unicamente quedaba en pé a fachada principal con fronte a Melitón Cortiñas e parte das fachadas laterais. Seguindo indicacións da Dirección Xeral de Patrimonio Cultural, o escudo existente na fachada principal está custodiado en dependencias municipais e as pezas de cantería foron almacenadas para a posterior recuperación.
En todo caso, dende o Concello nas actuacións que ten que realizar mediante execución subsidiaria leva a cabo os trámites e actuacións necesarias para repercutir sobre os titulares dos bens os custos derivados destas intervencións, que se levan a cabo unha vez realizados todas as tramitacións previas.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
