FOZ .- Na Casa da Xuventude de Foz á presentouse a XLVIII Travesía Ría de Foz e da II Travesía en K4 e C4, que se celebrarán este sábado 24 e domingo 25, respectivamente e que organiza o Club Kayak de Foz. A Travevesía da Ría de Foz é unha das citas máis antiga de Galiza, a segunda, e a terceira máis antiga do estado, tralo descenso do Sella e o descenso do Miño. No acto de presentación participaron o delegado de Deporte da Deputación, Antonio Veiga; o presidente do Club Kayak de Foz, Nacho Romillo, e a concelleira de Deportes de Foz, Rosa Alonso.
Nota de Prensa
PRESENTOUSE ESTA TARDE A XLVIII TRAVESÍA DA RÍA DE FOZ E A II TRAVESÍA K4-C4 FOZ, QUE SE CELEBRARÁN ESTA FIN DE SEMANA
Antonio Veiga asistiu á presentación deste evento, que organiza o Club Kayak de Foz e é o terceiro máis antigo do estado
FOZ, 22 de xullo de 2010. O delegado de Deporte da Deputación, Antonio Veiga, asistiu esta tarde na casa da xuventude de Foz á presentación da XLVIII Travesía Ría de Foz e da II Travesía en K4 e C4, que se celebrarán este sábado 24 e domingo 25, respectivamente. Ao acto tamén asistiron, ademais de Antonio Veiga, o presidente do Club Kayak de Foz, Nacho Romillo, e a concelleira de Deportes de Foz, Rosa Alonso.
Na súa intervención, Antonio Veiga declarou que “este tipo de actividades, ademais do valor que teñen como eventos deportivos consolidados, aportan un valor engadido que é a afluencia de xente ao concello co gallo da súa celebración: moitas persoas se achegarán a Foz esta fin de semana para asistir ao evento”. Por outra parte, manifestou “parabéns á nova directiva do Club Kayak por ter dado continuidade co seu esforzo a este evento, que está a piques de cumprir medio século de vida”. Pola súa banda, Nacho Romillo manifestou o seu agradecemento ás institucións que colaboraron para a celebración da travesía, así como especialmente aos comerciantes de Foz que fixeron aportacións á medida das súas posibilidades.
Con esta edición, que terá lugar este sábado 24 a partires das 16:30 horas, xa son 48 as que se levan celebrado desta travesía, o que a converte na segunda máis antiga de Galiza e a terceira máis antiga do estado, tralo descenso do Sella e o descenso do Miño, e polo tanto, é unha das citas máis importantes do calendario mariñao. Nesta ocasión, máis de 250 embarcacións participarán. A Travesía en K4 e C4 celebra a súa segunda edición este domingo 25, a partires das 16:30 horas e coa participación de cerca de 40 embarcacións, continuando así coa intención de consolidarse como outra cita ineludible no calendario deportivo. Estas dúas modalidades son as máis espectaculares do piragüismo, tanto pola velocidade que alcanzan as embarcacións como pola sincronización dos padexeiros. Nesta ocasión, a Travesía da Ría de Foz foi seleccionada como sede para a celebración do Campionato Galego de Ríos e Travesías, polo cal o gañador do día 24 de xullo será o campión galego. Tanto a Travesía da Ría de Foz como a Travesía en K4 e C4 puntúan para o XV Gran Premio galego de ríos, travesías e maratón.
O Club Kayak de Foz aporta coa súa actividade unha alternativa de deporte saudable e en contacto coa natureza para a xuventude da vila. Nos últimos anos, a agrupación tratou de relanzar esta actividade entre a xuventude, posto que é unha maneira máis de disfrutar do mar e a ría, aproveitando así a situación do concello, moi propicia para desenvolver este deporte
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
