Como xa hai varias semanas que no escribimos sobre este asunto temos que lembrar dous puntos:
1º Se as crónicas non minten o Concello de Ribadeo e mais a Xunta de Galicia están de acordo en construir un novo centro de saude en Ribadeo nuns terreos situados enfronte da Estación de Servizo, ou sexa a un kilómetro do centro casco urbano.
2º Ate o día de hoxe non se coñece nengún documento ou proxecto oficial sobre o devandito centro de saúde. Se existe non se deu a coñecer aos veciños e veciñas nen hai nengunha notificación oficial de que se poda consultar en algunha administración pública.
Queremos tratar hoxe un aspecto decisivo da política local que veñen consensuando dende hai moitos anos o PP, o PSOE e o BNG. Refírome á política urbanística e as xestións para a redaccióñ do Plan Xeral de Ordenación Municipal aprobado definitivamente o 25 de Setembro de 2014 polo Pleno Municipal e publicado no DOGA o 1 de Decembro do mesmo ano.
Mais alá de algunas regueifas e diferencia puntuais os tres grupos municipais estiveron de acordo no seguinte:
1º Permitir que a maioría das ruas de nova creación seguisen o trazado dos antigos camiños e polo tanto a estructura derivada da propiedade das fincas que se convertirían en solares.
2º Eludir absolutamente a edificación aberta, con zonas verdes e bulevares para facilitar o máximo aproveitamento especulativo do solo.
3º Autorizar alturas mastodónticas absolutamente inapropiadas para a o uso, a convivencia e a seguridade dos seres humanos.
4º Evitar a creación de un solo de reserva para equipamentos comunitarios como é o caso do novo centro de saúde.
5º Aprobar tres convenios urbanísticos no 2012 (con algúns reparos do PSOE) posteriormente incorporados ao PXOM con mínimas contraprestacións para o concello.
6º e principal: Reducir ao mínimo legal as posibilidades de participación da veciñanza evitando charlas, debates, videos, exposicións ou outras formas de información para facilitar a toma de conciencia social e colectiva que puidese reducir a especulación.
Como consecuencia de estas políticas agora resulta que hai que levar un servizo público de primeira necesidade, como é un Centro de Saúde de Atención Primaria a un kilómetro do centro do casco urbano habendo como hai grandes espazos sen edificar no medio e medio da vila que obviamente se reservan para construir macroedificios.
Este é o problema e os dirixentes do PP e o BNG están de acordo, mentres os do PSOE ainda non abriron a boca.
Pero a cousa non remata aquí. Calquera dos espazos que hai no centro do casco urbano que poderían servir para construir un centro de saúde podería recalificarse cos correspondentes trámites administrativos se houbese unha decisión política de facelo e se non se fai non é por nengún impedimento legal, senón porque os señores e señoras concellais que poden facelo prefiren mirar para outro lado e facer como que non se enteran.
Non me vou extender en outras consideracións porque a cousa é tan evidente que non require mais tempo. E o que hai.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
