Foz, 15 de xuño de 2022. O Concello de Foz prepárase para o verán coa convocatoria de 36 novas prazas de emprego. O alcalde, Fran Cajoto, explica que “nunha tempada estival na que se prevé bater récords o Concello de Foz fai os deberes para reforzar os servizos municipais e manter un servizo público de calidade”.
O rexedor municipal engade: “prevese un verán con moitos visitantes e iso implica un sobre esforzo para que o Concello funcione. É a nosa obriga reforzar os cadros de persoal e estamos a facelo naqueles sectores nos que é máis necesario. Ademais do aumento do plantel para tarefas de desbroce, xardinería, obras e outros, que xa se fixo en abril e que continúan a traballar, neste mes de xuño ofértanse 35 novas prazas de emprego ademais da incorporación dun novo axente de seguridade. Para o servizo de socorrismo está previsto incorporar a 21 persoas, divididas en 6 socorristas e un xefe de salvamento financiados polo Concello e 6 socorristas financiados pola Xunta, que farán as probas este venres, ademais de 6 auxiliares de praias e 2 técnicos sanitarios con prazo de presentación de instancias ata o 22 ou o 23 de xuño, segundo os casos. Para o servizo de limpeza de rúas prevese incorporar 5 operarios a través das axudas para a contratación temporal de persoas en risco de exclusión social e 3 operarios máis financiados polo Concello, con prazo de presentación de solicitudes ata o 23 de xuño. Ademais, a área de Medioambiente, que dirixe Francisco Fanego, prevé incorporar 2 operarios para a recollida de lixo, con data de instancias ata o 27 de xuño. En poucos días publicarase tamén a convocatoria para dous auxiliares de turismo que axuden á técnico nas tarefas propias da Oficina de Turismo e unha bolsa de emprego para cubrir dúas baixas médicas temporais no servizo de obras. Ademais vaise incorporar este verán un novo policía local en prácticas ata completar os 9 que marca a RPT. Impórtanos moito a seguridade, nese sentido teño que agradecer tamén a boa disposición da Garda Civil e a coordinación entre as dúas forzas de seguridade”.
Fran Cajoto destaca que “o Concello de Foz fai un esforzo moi importante para atender unha poboación de 30.000 habitantes, cando hai 10.200 censados. Por iso pedimos tamén o esforzo doutras administracións: non é normal que a Xunta de Galicia non reforce o persoal do Centro de Saúde cando precisamente temos máis poboación e cando o persoal habitual soe desfrutar as vacacións ás que ten dereito. Os concellos con tanta estacionalidade deberiamos ser compensados, non castigados”.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
