Ribadeo, 15 de xuño de 2022. A cuarta edición da carreira nocturna Rinlo-Ribadeo celebrarase o día 20 de agosto. A proba está organizada polo Club Atletismo Ribadeo, conta coa colaboración do Concello e da Xunta de Galicia e foi presentada no salón de sesións do Pazo de Ibáñez.
O alcalde, Fernando Suarez, subliñou: “queremos transmitir a nosa ledicia porque estas cousas se volvan ir introducindo despois da pandemia, despois de dous anos de non ter practicamente actividades de todo tipo. Agora todo o mundo quere cultura, todo o mundo quere deporte, todo o mundo quere saír e estamos moi orgullosos. Nós como Concello estamos encantados de colaborar como sempre cunha entidade deportiva como este club sen ánimo de lucro e que está dando o mellor cun montón de xente nova axudando, correndo e agora tamén organizando, outra vez por cuarto ano, esta carreira nocturna entre Rinlo e Ribadeo”. O rexedor dixo que “como é nocturna non se pode ver a marabilla da paisaxe porque é de noite, pero si que se pode advertir o que é unha orografía riquísima por unha ruta preciosa e logo con todo o calor de toda a xente que vai estar tanto en Rinlo como en Ribadeo á chegada nunhas datas, o 20 de agosto, onde Ribadeo esperemos que estea ateigada ata a bandeira. Así que moitas grazas por este esforzo e desde o Concello estamos encantados de colaborar”.
O xefe territorial de Deportes, Manuel Otero, salientou que “esta cultura da carreira tradicional medrou moito porque ten unha labor familiar espectacular. Para o ano que ven imos vernos presentando a quinta edición da carreira nocturna Rinlo-Ribadeo. Agardamos que esta sexa todo un éxito e parabéns a todos os que colaboran, en especial ao Club Atletismo Ribadeo pola labor que está a facer”.
Ana Ferradás do Club Atletismo Ribadeo asegurou que “estamos moi ledos de poder volver organizar a cuarta carreira que levamos dous anos sen poder facer por prudencia porque non queríamos arriscar a saúde de ninguén. Esta carreira tivo moito éxito nas anteriores edicións. Non se pode ollar a paisaxe pero si sentila, os sons da noite e do mar que se vencellan en si mesmo. A chegada tamén é espectacular en Ribadeo e nós tentaremos seguir abraiando a todos os participantes. Ás oito da noite empezará a carreira dos cativos e ás nove e media serán os infantís e cadetes os que sairán dunha zona moi fermosa como é o Faro de Ribadeo. Despois a carreira grande xa será super espectacular porque sairá en Rinlo, que é unha vila mariñeira con gran tradición gastronómica que todos poderán coñecer e Ribadeo tamén ten unha ampla gama de restauración e hoteis onde poderán pasar a noite. Nós estamos moi ilusionados con que esta carreira teña o éxito como mínimo da anterior edición e que todos saian satisfeitos. Nós estamos a traballar o máximo posible por abraiar a todo o mundo, desde o que chega o último ao primeiro, e que todo saia ben”.
E o concelleiro de Deportes, Jorge Díaz, lembrou que “dispoñemos aquí dunha ampla gama e estimadísima colaboración de voluntariado que sen el non poderíamos facer todos estes eventos. Nunca me cansarei de recordar que tanto a carreira de Rinlo como a media maratón e todos os eventos deportivos que se fan, colaboran con nosoutros todo este voluntariado. Tamén queremos agradecer a todos os colaboradores, todas as entidades, o Club Atletismo Ribadeo, a Xunta neste caso a Manolo Cadramón e desde a nosa área do Concello de Ribadeo estamos á súa disposición”.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
