A Mariña, 29 de xullo de 2026. Hai máis dun ano, a Plataforma en Defensa da Sanidade Pública da Mariña pendurara no valado metálico do porto deportivo de Viveiro, fronte ao Centro de Saúde, unha faixa co lema “Pola resurrección da nosa sanidade”, denunciando a grave situación que viven os veciños e veciñas pola falta de persoal facultativo no centro. A iniciativa, pacífica e cargada de retranca, facía referencia ao evento rockeiro de Lavandeiras e simbolizaba o que milleiros de viveirenses reclamaron en concentracións e manifestacións ao longo destes anos.
Os problemas no Centro de Saúde de Viveiro agrávanse día a día, pero a pancarta xa non está alí. Nos últimos días, persoal de Portos de Galicia —ente público dependente da Consellería do Mar e responsable da xestión do porto— ordenou a súa retirada.
“Procedemos a retirar a pancarta tal como nos indicaron e buscaremos outra ubicación, pero o que si poden ter claro no Partido Popular é que non imos ceder nin un milímetro na nosa loita pola defensa da sanidade pública xunto cos veciños e veciñas de Viveiro e da Mariña”, manifestou a portavoz da Plataforma, Montse Porteiro. Engadiu que o que debe facer o PP é “resolver os graves problemas que afectan á sanidade pública en Viveiro, en lugar de eliminar expresións gráficas reivindicativas que non molestaban a ninguén, nin medioambiental nin esteticamente, nin supuñan perigo para a circulación ou para os peóns”.
“Que teñan por seguro que non nos calarán”, concluíu Porteiro.
Graves problemas asistenciais en Viveiro e no conxunto da comarca
O Centro de Saúde de Viveiro leva moito tempo sufrindo graves problemas asistenciais derivados da falta de substitución de profesionais ausentes. O centro debería contar con once médic@s de familia en quendas de mañá e tarde, pero no mellor dos casos dispón de seis facultativ@s que deben asumir o traballo de once. Esta situación provoca unha sobrecarga asistencial que xera estrés, presión e mesmo problemas de saúde entre o persoal, ao tempo que dispara os tempos de agarda ata cifras alarmantes. Nestes días, a Plataforma asegura que hai esperas de ata dous meses para unha consulta de medicina de familia.
A mesma problemática repítese no conxunto da Atención Primaria da Mariña, onde moitas localidades multiplican por cinco a súa poboación durante o verán sen contar con reforzos suficientes para atender ás persoas desprazadas. Isto agrava a sobrecarga, incrementa as agardas e provoca un caos asistencial ao longo de toda a comarca.
Desde a Plataforma instan ao PP a poñer o mesmo empeño en solucionar os problemas da atención sanitaria que, afirman, está a poñer en intentar silenciar as reivindicacións veciñais.
As persoas que non puideron obter a súa entrada durante o período de reserva anticipada poderán recoller as entradas restantes o propio día da función, mércores 5 de agosto, a partir das 20:00 horas, na taquilla do Teatro Pastor Díaz. A entrega realizarase ata completar a capacidade do recinto, cun máximo de catro entradas por persoa. O Concello de Viveiro agradece a excelente acollida que está a ter esta representación e lamenta as molestias que esta situación poida ocasionar.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
