Ribadeo, 29 de xullo de 2026. Deron comezo as obras na Avenida de América. O alcalde, Dani Vega, subliña que se trata dunha obra fundamental e prioritaria para Ribadeo e para dar acceso ao novo centro de saúde.
O rexedor contou que “comezaron as obras na Avenida de América, unha obra fundamental e prioritaria para dar acceso ao novo centro de saúde, unha obra financiada pola Xunta de Galicia e que necesitábamos, evidentemente, ese orzamento. Non o podíamos perder, agora hai que actuar nestes meses mellorando toda unha entrada principal a Ribadeo”.
Vega subliñou que “a obra ten varios obxectivos: acceso ao novo centro de saúde, a renovación por completo do saneamento e do abastecemento, que estamos tendo moitos problemas nesa zona, e por certo é a partida presupostaria máis importante, é dicir mellorar o saneamento e o abastecemento é fundamental e é o que máis consignación precisa. A renovación é por completo, tamén naquelo que se ve, é dicir no pavimento, a construción da nova rotonda, a nova iluminación, as novas beirarrúas, o novo equipamento, en definitiva 350.000 euros, que significan un cambio por completo da entrada a Ribadeo”.
O alcalde declarou: “é verdade que as obras causan molestias, pero é bastante complicado facer obras e melloras e non ter ningún impacto, pero o que se vai facer é molestar o menos posible”.
E indicou que “durante a obra soamente vai estar pechado o carril de saída, cando sexa preciso só se interrompe o carril e cando remata a obra ábrese ao tráfico de novo. Hai que dicir que o horario laboral é ata as 18:30 horas, a partir de aí queda restablecido o tráfico e os venres a partir da unha da tarde xa queda con normalidade o tráfico”.
Dani Vega dixo que “as saídas son múltiples nesta vila e entón hai que ver esas alternativas. E pido que se poña por parte de todos un pouco, porque evidentemente as obras fundamentais, aproveitar os recursos que nos veñen da Xunta son tamén fundamentais e, en definitiva, é unha obra prioritaria para mellorar a entrada de Ribadeo e dar ese acceso ao novo centro de saúde”.
O rexedor ribadense engadiu: “é unha obra que nosoutros pelexámola, necesitábamos para que a Xunta tamén concedera o centro de saúde a Ribadeo ter as infraestruturas do entorno arranxadas e xa estamos actuando. Entendo que pode causar algún tipo de molestia, pedimos disculpas, pero sempre é con esa vocación clara de mellorar Ribadeo”.
As persoas que non puideron obter a súa entrada durante o período de reserva anticipada poderán recoller as entradas restantes o propio día da función, mércores 5 de agosto, a partir das 20:00 horas, na taquilla do Teatro Pastor Díaz. A entrega realizarase ata completar a capacidade do recinto, cun máximo de catro entradas por persoa. O Concello de Viveiro agradece a excelente acollida que está a ter esta representación e lamenta as molestias que esta situación poida ocasionar.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
