120 veciños e veciñas de Lugo, Pantón, O Páramo e Vilalba participan esta semana nesta actividade da Deputación, grazas á que coñecerán os diferentes recursos turísticos de Sober, Barreiros, Ribadeo, Cervo, A Fonsagrada e Negueira de Muñiz
Lugo, 21 de xuño de 2022. Seis entidades de toda a provincia participan, dende este martes e ata o xoves, no programa Coñece a túa provincia da Deputación de Lugo. Esta semana serán colectivos de Lugo, Pantón, O Páramo e Vilalba os que viaxen gratuitamente grazas a esta iniciativa impulsada pola institución provincial para dar a coñecer o patrimonio natural e cultural dos diferentes concellos do territorio e dinamizar así a actividade do turismo, a hostalería e o comercio.
Os percorridos levarán a un total de 120 veciños e veciñas durante estes tres días aos concellos de Sober, Barreiros, Ribadeo, Cervo, A Fonsagrada e Negueira de Muñiz.
A Asociación Orfeón Xoan Montes percorreu este martes a Produtora de Audiovisuais da institución provincial da man do Deputado de Promoción Económica e Social, Pablo Rivera Capón, que destacou que con esta iniciativa “buscamos apoiar a actividade económica, e consolidar un modelo de turismo de calidade, sostible, que aposte polas experiencias”. Tras esta parada, estes veciños e veciñas de Lugo viaxarán ao sur da provincia, onde participarán nunha demostración de olaría tradicional na reitoral de Gundivós, visitarán a igrexa románica de San Xiao de Loibos e farán un percorrido nun catamarán da Deputación polo Canón do Sil antes de parar a comer en Sober. Unha ruta que percorrerá o xoves a Asociación de Veciños Alexandre Bóveda-Paradai, de Lugo.
Tamén esta mañá a Asociación O Piñeiro de Santa María de Tuiriz, de Pantón, visitou o Mazo de Santa Comba. Logo, este grupo desprazarase á Mariña para descubrir a riqueza natural de Barreiros e facer un recorrido a pé polo paseo marítimo ata a praia de Arealonga. Tamén visitarán As Catedrais e Rinlo e desfrutarán do casco histórico ribadense, seguindo as pegadas do Ribadeo indiano e dos comerciantes.
Xa mañá mércores, a veciñanza da Asociación Saa O Páramo parará nas instalacións do Mazo de Santa Comba da Deputación antes de viaxar ao concello de Cervo, onde coñecerá a fábrica de Sargadelos, o paseo dos Namorados e a vila de San Cibrao. Visitarán tamén outros lugares de interese como a praia do Torno ou o Museo do Mar. Na mesma xornada, os veciños e veciñas da Asociación de Insua Zoqueira, de Vilalba viaxará á Montaña logo de coñecer o Centro de Interpretación Terras do Miño. Visitarán a seimeira de Vilagocende e o Museo Comarcal da Fonsagrada, ademais dunha adega no concello de Negueira de Muñiz. O xoves será a Asociación Cultural Liga Santaballesa, de Vilalba, a que seguirá este itinerario.
Polo turismo de proximidade
Máis de 3.000 persoas de 135 asociacións beneficiaranse das viaxes gratuítas pola xeografía lucense nesta segunda tempada do Coñece a túa Provincia. As saídas terán lugar en dúas quendas que permitirán coñecer a provincia en primavera, entre marzo e xuño, e en outono, de setembro a novembro.
O programa inclúe, de balde, o transporte para os traslados de ida e volta dende o lugar ou lugares de orixe, póliza de seguros de viaxeiros, menú de xantar, e entradas e visitas a diferentes lugares de interese da provincia de Lugo. Estas visitas son realizadas por profesionais que contan coa habilitación de guía oficial de turismo de Galicia e polo persoal de atención ao público nos diferentes museos, empresas ou obradoiros sinalados nos itinerarios do programa.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
