Mondoñedo, 5 de xullo do 2022. Para o BNG o goberno popular non é capaz de resolver con axilidade o problema de retraso no remate das obras do ximnasio e pide que se busque en serio unha solución alternativa para que as actividades deportivas se poidan realizar co normalidade mentres as novas instalacións non estean en servizo.
O voceiro do BNG no concello, Eloi Cabanas, apunta que as obras de acondicionamento de locais como salas polivalentes para uso deportivo tiñan que estar rematadas xa no pasado mes de novembro e aínda que entenden que poden xurdir problemas que motiven o retraso da obra non é admisible acumular tantos meses de demora.
O BNG denuncia que esta situación provocou unha perda moi importante de socios e que xa se deron casos de usuarios que se marcharon para instalacións deportivas de concellos limítrofes.
Eloi Cabanas lamenta que un ximnasio que estaba funcionando con normalidade ofrecendo unha ampla variedade de actividades e que contaba co a redor de 120 socios se atope agora con nada máis que 7 usuarios realizando actividades en precario por varios locais do concello.
“O último exemplo da mala planificación do goberno foi esta semana ao teren que suspenderse as clases de Spining por coincidir no pavillón polideportivo coas actividades do Campus de Baloncesto que se celebra estes días en Mondoñedo”.
Desde o BNG apuntan que no pasado mes de febreiro logo de preguntar en pleno polas causas do retraso de finalización das obras o alcalde respondía que xa se solucionaran os problemas que motivaran o incumprimento das previsións iniciais de remate e posta en funcionamento das novas instalacións e que as obras restantes estaban a punto de iniciarse calculando que en vinte días máis ou menos estaría todo rematado. O BNG volveu a preguntar no pleno da semana pasada polo fallo nas previsións do goberno e desta vez a resposta foi que a obras estaban adxudicadas e que había dous meses de prazo para entregalas.
“Esperemos que este non sexa un episodio máis antes da entrega definitiva das obras xa que agora tamén esta pendente a instalación dun ascensor nas novas instalacións o que pode alongar aínda máis a posta en funcionamento do ximnasio”.
Por todos estos inconvintes o edil nacionalista esixe unha concreción fiable nos prazo de remate das obras para que os socios do ximnasio e máis o adxudicatario do servizo podan planificar as actividades con perspectiva de futuro e sen atrancos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
