“Algúns Concellos da nosa costa, coma o de Cervo, xa asinaron o convenio; pero o goberno burelés nin o asinou nin o levou a pleno como prometera tras recibir unha avalancha de sinaturas pedindo o desbloqueo da situación”, di
Burela, 30 de xullo de 2022. O voceiro do Grupo Municipal Popular de Burela, Manuel Rouco, asegura que “o señor Llano e os seus concelleiros do goberno local seguen a burlarse da boa fe dos veciños e veciñas de Burela. Nesta ocasión, da boa fe dos pescadores recreativos da nosa vila”.
Rouco explica que, “como xa indicamos dende o PP na reunión mantida con representantes deste colectivo, as negociacións da Comisión de Pesca do PPdeG na que se atopa a nosa viceportavoz, Yovana Oroza, con Portos de Galicia posibilitaron a apertura dunha nova vía para ampliar novas zonas de pesca ou modificar algunha das existentes. Esta vía pasa pola sinatura dun convenio bilateral entre o Concello de Burela e Portos de Galicia como xa se fixo dende diversos concellos da nosa costa coma, por exemplo, o veciño de Cervo”.
Para o popular “calquera outro tipo de comunicación ou declaración non deixa de ser máis que papel mollado por parte do Concello gobernado polo señor Llano. E o peor de todo é que o goberno socialista o sabe e xogan con iso. Non buscan unha solución real ás xustas demandas do colectivo de pescadores recreativos da nosa vila”, se lamenta.
“Inicialmente, trala avalancha de sinaturas -1.500- recibida polo Concello en relación ao desbloqueo desta situación por parte do goberno local, ían levar ao pleno unha proposta de acordo que, sen dúbida, lle daría solidez ás ben intencionadas demandas dos pescadores recreativos; pero nin levaron a pleno a proposta que dicían nin asinan o convenio con Portos”, condena o portavoz do PP.
Rouco explica que “remitir unha carta a Portos é, basicamente, un brinde ao sol. É dicir, unha vez máis o alcalde e o seu goberno demostran o que realmente son: un equipo que se pon de perfil ante a problemática plantexada dende a pesca recreativa da vila. Teñen na súa man a solución e non queren adoptala”.
“Dende o PP de Burela xa lles trasladamos -na reunión que tiveron a ben celebrar con nós- que se dependerá da nosa formación, o convenio xa estaría asinado e, polo tanto, os pescadores recreativos xa estarían a disfrutar dunha ampliación das zonas de pesca nas instalacións portuarias e da modificación dalgunha xa existente”, explica o portavoz.
Os populares lamenta que “o señor Llano non goberne nin por nin para tódolos veciños de Burela”.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
