Viveiro, 20 de setembro, 2022. A XV Limpeza Simultánea “Móllate polos ríos” se celebrará este ano en 41 concellos de toda Galiza, e participarán máis de 60 entidades (asociacións, concellos, colectivos ecoloxistas, centros de ensino…). Algúns destes grupos xa participaron nas limpezas de anos pasados, tamén hai novas entidades que se sumaron por primeira vez a esta décimo quinta edición. A limpeza que será o 25 de setembro e mobilizará a numerosos voluntarios e voluntarias que se desprazarán aos ríos destes 41 concellos para deixalos libres de lixo, nunha xornada de voluntariado ambiental e concienciación social.
En Viveiro realizará a coordinación da limpeza do Río Landro a Asociación
PRATO_DO.
● Lugar: Rampla detrás Hotel Urban
● Horario: de 11:00 a 13:30h
● Inscripcións: iniciativapratodo@gmail.com / 617 461 723
Os/as voluntarios/as serán agasallados cunhas camisolas co lema da limpeza.
Recomendacións para as persoas voluntarias
Para o día da limpeza lembrar que os materias precisos ou recomendables son:
-Luvas (mellor que cada voluntario/a traia as súas da casa).
-Pinchos (paus cun pincho na punta para coller lixo).
-Botas de auga (polo menos algunha persoa con elas).
-Bolsas grandes ou sacos para recoller o lixo (en cada grupo de 10 tres ou catro persoas
con bolsa).
O Proxecto Ríos é un programa de Educación e Voluntariado Ambiental que ten a
finalidade de dar a coñecer o importante papel dos cursos fluviais, amosar as súas
problemáticas así como fomentar iniciativas que permitan á cidadanía o mantemento e a
mellora dos ríos proporcionando as ferramentas que garantan a súa participación.
A Asociación PRATO_DO traballa como axencia de innovación sostible. Entidade
sen ánimo de lucro que ten por obxecto mellorar a calidade de vida das persoas
promovendo a participación da cidadanía a través do desenvolvemento sostible definido nos #ODS da #Axenda2030. CREANDO ACCIÓNS DE CAMBIO POR UNHA VIDA MELLOR
PARA AS VINDEIRAS XERACIÓNS en ámbitos como #investigacion #educacion
#emprendemento #voluntariado #turismo.
E no ámbito do voluntariado ambiental realiza actividades tanto para entidades
públicas como empresas privadas, sendo parte da rede de Voluntariado Galego da Xunta de
Galicia. O curso 2021-2022 foi a encargada de coordinar a limpeza da praia de Covas entre varios centros educativos. Neste curso 2022-2023 continuará coa limpeza de ríos entre a comunidade educativa.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
Villares destacou que a Administración autonómica reafirma o seu compromiso con esta cita, adicada a enxalzar a calidade deste produto do mar e a poñer en valor o esforzo dos profesionais do sector. Así mesmo, subliñou a importancia das festas gastronómicas na promoción turística e na dinamización económica da zona.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
