Os laranxas impuxéronse 1-3 na casa do cadro zaragozista
Burela, 1 de outubro, 2022. Primeira parte cun inicio do Burela moi metido no partido despregando un xogo moi intenso baseado na presión. O esforzo dos laranxas deu pronto os seus froitos e xa no minuto 3 o CD Burela FS gozaba dunha vantaxe de dous goles grazas aos tantos de Eloy e Pazos. Tres minutos despois (minuto 6) o Sala 10 acurtou diferenzas cun disparo de Rivera que veu precedido dun tempo morto solicitado polo adestrador maño Jorge Paus. Con todo non lle ía durar moito a alegría aos locais porque, minutos despois, Eloy ampliaría a vantaxe laranxa cun gol máis para a súa conta particular. Nas postrimerías desta primeira metade o xogo de ambos os equipos igualouse e os burelistas tiveron que empregarse para controlar as acometidas dos locais, que dispuxeron de varias oportunidades para reducir a distancia no marcador. Finalmente chegaríase ao descanso con 1-3 a favor do Burela FS.
Na segunda parte o Sala 10 saíu decidido a reverter a desvantaxe no marcador arrinconando ao CD Burela FS no seu campo. Os zaragozistas tiveron oportunidade de conseguir froito desta intensidade no minuto 6, con dous disparos consecutivos que Kaluza conseguiu repeler en boca de gol. A partir de aí o Burela FS recompuxo o seu xogo grazas a unha defensa ordenada e a unha saída de balón na procura dun novo gol que sentenciase o partido. A falta de 4 minutos para o final o Sala 10 colocou a Mateo como porteiro-xogador para aumentar as súas posibilidades, pero os laranxas souberon manter a orde en defensa ata o asubío final sen que o marcador se movera.
Ficha técnica
CD Burela FS: Kaluza, Lucho, David Pazos, Eloy, Pitero, -Cinco Inicial- Bruno, Nito, Isma, Rikelme, Alberto, Anton Arnejo
Sala 10: Iván Bernad, Carlos, Ortego, Yera, Óscar Villanueva, -cinco inicial- Dani Álvarez, Rubén, Rivera, Óscar Andreu, Mateo, Marcos, Kike, Richi, Javi Izaguerri
Goles: Min 3 Eloy 0-1; Min 3,5: Pazos 0-2; Min 6 Rivera 2-1; Min 8 Eloy 3-1
Equipo arbitral: Bardera Bardolla y Gómez de Salazar (comité vasco)
Incidencias: Partido correspondente á 3ª xornada da Segunda Federación de Fútbol Sala Masculino disputado no pavillón CDM Siglo XXI.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
