Burela, 22 de decembro de 2022. O Concello creará un parque en Vilar, nun espazo de 1.200 metros, que é da súa propiedade. Así o anunciou hoxe o alcalde, Alfredo Llano.
O rexedor contou que “aproveitando a visita pola zona de Vilar, onde se fixeron uns asfaltados integrais, hai un espazo que pertence ao Concello de Burela que queremos aproveitar para uso público, concretamente para facer alí un parque, un atractivo para que o visite a xente porque desde ese lugar as vistas que hai de Burela e do mar son espectaculares. É unha zona alta que se pode adecuar para que se poida subir tranquilamente, cunha boa pasarela e cunha serie de melloras como unhas escaleiras formadas por travesas da vía do tren, por exemplo. Tamén se fará unha plantación de árbores, que intentaremos que sexan castiñeiros, e tamén de flores e arbustos, para que adornen perfectamente esta zona”.
Llano explicou que “é un superficie aproximada de 1.200 metros cadrados e esta actuación suporá unha revalorización da zona de Vilar e vai animar a moita xente a subir alí, onde se van colocar varios bancos para que os que visiten este lugar poidan sentarse e apreciar unhas vistas extraordinarias do noso mar e do noso concello”.
O alcalde declarou que “continuando coa nosa vocación de mellora en moitos aspectos, queremos volver redefinir e asentar arte no parque de Rosalía de Castro, onde hai unha fonte que leva moito tempo parada. A esa zona queremos darlle unha nova imaxe que fortaleza a vistosidade do parque de Rosalía de Castro. Vai estar conformada por unha serie de elementos que representarán o que é Burela e vai ser realizado por artistas locais, que tamén farán unha nova obra no monte Castelo, onde había un cartel moi vistoso que levou por diante un coche. Entón vamos recuperalo con nova motivación artística e con outra información. Vai ser diferente ao que había, pero moi mellorado.
Polo tanto estes artistas locais van traballar na fonte do parque Rosalía de Castro máis no panel que había no monte Castelo e que foi destruído hai uns meses”.
Alfredo Llano engadiu: “tamén se vai instalar unha nova canalización de auga potable á fonte do parque Rosalía de Castro para que poida ser usada porque alí van moitos rapaces e queremos dar ese servizo mellorado”.
O rexedor considera que “todas estas actuacións, que se van facer en breve, daranlle un empuxe máis ao atractivo do noso concello e servirán para que as usen, as aproveiten e as disfruten todos os veciños, que ademais poderán presumir do que temos aquí, en Burela. Creo que vai ser un bo regalo de Reis para o ano que vén”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
Este venres visitaron Ferrol e As Pontes, e o sábado serán os actos institucionais de benvida no concello de Ribadeo. Pola mañá será inaugurada unha placa conmemorativa da visita, e despois a recepción oficial na Casa do Concello.
Villares detallou algunhas destas accións no encontro empresarial organizado en Vilalba pola organización profesional BNI LOU VCR Breogán, un grupo de networking integrado por unha trintena de empresarios e profesionais da provincia. Entre outras, referiuse ás axudas para favorecer o establecemento dos traballadores autónomos ou para o fomento da contratación; os plans do Igape para a expansión e innovación do tecido produtivo, ou as iniciativas de formación. “Apoiar as empresas, as pemes e aos autónomos é apoiar o futuro do territorio”, afirmou.
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
