Isabel Rodríguez expresou a súa satisfacción por reforzar o persoal cunha profesional experimentada “para ofrecer un servizo eficaz”, converténdose na primeira muller á fronte da Comisaría da Policía Nacional de Viveiro
Lugo, 11 de xaneiro de 2023. A subdelegada do Goberno en Lugo, Isabel Rodríguez, deulle hoxe a benvida á nova inspectora xefa da Comisaría de Viveiro, María Begoña Caínzos Piñeiro, e pediulle o máximo compromiso na protección da cidadanía para manter e mellorar as baixas taxas de criminalidade na comarca da Mariña. Na súa visita á subdelegada, María Begoña Caínzos estivo acompañada polo comisario principal xefe provincial, José María Esteban.
Isabel Rodríguez felicitouse pola chegada á Comisaría de Viveiro da nova inspectora xefa e expresou a súa satisfacción porque refórzase o persoal de mando cunha profesional experimentada “para ofrecer un servizo eficaz”. Así mesmo, desexoulle os maiores éxitos á fronte da Comisaría viveirense “porque repercutirán na seguridade e benestar dos veciños e veciñas”.
A subdelegada aproveitou para salientar que María Begoña Caínzos convértese na primeira muller que asume oficialmente o mando da Comisaría da Policía Nacional de Viveiro, substituíndo ao inspector Jesús María Seco, que fixo un gran labor durante o tempo que desempeñou a responsabilidade.
Destacada traxectoria profesional
A nova inspectora xefa é natural da Coruña. Ingresou no Corpo Nacional de Policía no ano 2005. É licenciada en Dereito e en Ciencias Políticas, cun máster en Políticas Públicas de Seguridade e Defensa, e ascendeu a inspectora xefa en 2020.
Antes de asumir a xefatura da Comisaría de Viveiro estaba destinada, desde 2020, na Comisaría Sant Adrià de Besòs, en Barcelona. Con anterioridade, formou parte da Xefatura Superior de Policía de Canarias, en distintos grupos de investigación en organismos centrais de Madrid e Xefatura Superior de Galicia, ata facerse cargo dun grupo da Unidade de Intervención Policial en Pamplona.
A súa traxectoria profesional foi recoñecida en 3 ocasións ao mérito policial con distintivo branco, ademais de posuír máis de 40 felicitacións públicas pola súa labor en importantes servizos e operativos policiais.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xoves dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
