Ribadeo, 12 de xaneiro de 2023. O Concello realiza obras nos camiños das parroquias neste inicio de 2023. En total o investimento ascende a 700.000 euros, que son financiados a través do Plan Único da Deputación e con fondos propios municipais. Ata Cedofeita e Pastoriza se desprazaron nas últimas horas os concelleiros de Economía, Obras e Medio Rural, Pablo Vizoso, Mónica Freire e Marcos Villamil.
O edil de Medio Rural contou que “empezamos o ano traballando nas parroquias do noso concello coa mesma intensidade coa que rematamos o 2023. Nestes días estamos procedendo a mellorar e modernizar unha serie de camiños municipais en todas as parroquias”.
Marcos Villamil subliñou que “estámolo facendo a través do Plan Único que levamos a cabo conxuntamente o Concello de Ribadeo e mais a Deputación de Lugo. Para iso fixemos un enorme esforzo económico, ao igual que o estivemos facendo nestes anos para ir transformando e mellorando todas as nosas parroquias, tanto as da costa como as do Interior”.
O concelleiro ribadense lembrou que “a finais do 2022 estivemos en varios barrios de Covelas e da Devesa. E agora a principios deste ano estaremos nos barrios e parroquias de Vilausende, Cedofeita, Couxela, Ove, Vilaframil, Arante, As Anzas, Remourelle, Piñeira e Vilaselán. Só con este Plan Único xa estamos a investir uns 700.000 euros que se veñen sumar a cifras parecidas que levamos investido nestes anos, o que nos dá unha enorme satisfacción o feito de ver como están cambiando para ben os accesos aos nosos núcleos rurais”.
Villamil engadiu: “e sabendo como non, que temos un concello moi grande e aínda quedan moitos sitios por chegar, pero estamos no camiño para facelo, e sempre contando coas opinións do movemento asociativo veciñal”.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
