Burela, 23 de febreiro de 2023. A Concellería de Muller e Igualdade e o Centro de Información ás Mulleres do Concello de Burela puxeron en marcha novas accións formativas no marco do Pacto de Estado contra a Violencia de Xénero.
Alumnado dos centros educativos de Burela participan durante este curso en dous talleres de sensibilización e prevención da violencia de xénero: “BEN QUERER. Taller de educación afectivo sexual” e “DESCONECTARSE DA VIOLENCIA: previndo a violencia no novo contexto dixital”.
O taller “BEN QUERER. Taller de educación afectivo sexual” levouse a cabo no primeiro trimestre do curso co alumnado de 1º da ESO dos centros educativos e tivo por obxectivo fomentar as relacións sexo-afectivas igualitarias. Durante as sesións fomentouse o recoñecemento e respecto dos límites persoais propios e alleos e proporcionóuselle ao alumnado os recursos necesarios para manter relacións afectivo-sexuais saudables, sen riscos, e libres de violencias e comportamentos sexistas.
Neste mes de febreiro, estase a impartir o taller “DESCONECTARSE DA VIOLENCIA: previndo a violencia no novo contexto dixital” co alumnado de 6º de educación primaria e de 1º da ESO. Trátase dun taller destinado a traballar o impacto das novas tecnoloxías no desenvolvemento de agresións machistas e de relacións de violencia de xénero entre a rapazada. Durante o desenvolvemento deste taller ponse o énfase na identificación de agresións sexistas na rede e de actitudes de control e dominio nas relacións sexo-afectivas. Continuarase con este taller tamén no mes de marzo.
O Concello de Burela, a través da súa Concellería de Muller e Igualdade e do Centro de Información ás Mulleres, continúa co firme convencemento de que o sistema educativo é o recurso de socialización con maior viabilidade para materializar e garantir unha educación inclusiva e equitativa e libre de violencias.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
