Lourenzá, 20 de marzo de 2023. O equipo de goberno municipal explica que “o último pleno do Concello de Lourenzá foi un dos máis tranquilos e relaxados das dúas últimas lexislaturas”.
Os gobernantes locais especifican: “aprobáronse por unanimidade todos os puntos da orde do día, entre eles o de darlles voz aos veciños da Cazolga que reclaman melloras para a estrada que os une coa capitalidade, de titularidade provincial. A continuación chegaron os rogos e preguntas, ás que respondeu a alcaldesa sen que o voceiro popular mostrase ningún rexeitamento, máis ben parecía conforme coas explicacións da rexedora municipal. Pero, polo visto, desde a bancada na que estaban os novos candidatos populares vese dunha maneira diferente e parece que tivemos un pleno apocalíptico. Parece un ninguneo máis cara ao actual voceiro popular”.
O equipo de goberno municipal engade que “en relación aos rogos e preguntas presentadas polo grupo popular, mellor dito polos novos candidatos e candidatas, parece máis ben unha carta dirixida aos Reis Magos, interesándose cada un deles por cuestións que lles afectan persoalmente, en vez de facelo movidos por intereses de toda a veciñanza. Por exemplo, rogaban que se ampliara o alumeado público de Recemil, onde todas as casas contan con el, cando aínda hai barrios no concello que non o teñen. Tamén se interesaron polo estado ruinoso dun edificio, seguramente porque estraga as vistas desde a casa dunha nova candidata, sen ter en conta que este é un problema grave de todos os concellos de Galicia no que debera tomar medidas o goberno da Xunta, xa que pouco se puido facer desde os gobernos locais de antes e pouco se pode facer na actualidade. Falan os populares tamén de problemas nas infraestruturas, tales como o estado de contedores soterrados ou pedras soltas en beirarrúas da vila. Recordámoslles que esas foron obras de corporacións anteriores gobernadas polo Partido Popular, que visto o estado no que se atopan non deben estar moi orgullosos delas e intentan culpar ao goberno actual. Só hai que volver a vista atrás oito anos para ver como estaba a rede de estradas e camiños de Lourenzá e ver como está agora. Seguramente algúns dos que forman a nova lista popular, entre eles o candidato a alcalde, descoñecerán estes datos, porque nin traballan nin viven en Lourenzá e ata hai poucos meses nin sequera estaban censados, algo que fixeron recentemente para así ter algún voto máis”.
Os gobernantes locais de Lourenzá comentan tamén que “preguntaron os populares por un informe remitido pola Xunta de Galicia sobre o punto limpo. Non hai tal informe, a non ser que eles teñan constancia del, algo que sería totalmente ilegal. O que houbo foi unha inspección rutineira na que se apreciaron algunha deficiencias, que en canto se nos remitan intentarase solucionar no menor tempo posible. O grave, irregular e sospeitoso é que desde os candidatos populares teñan coñecemento desa inspección. Para rematar o equipo de goberno explicoulle ao grupo popular que os orzamentos se presentarían despois das eleccións municipais, algo do que deberan estar moi agradecidos os populares xa que no hipotético caso de que chegaran a gobernar non estarían hipotecados por uns orzamentos que non serían seguramente do seu agrado. Lembrámoslles aos novos candidatos populares que a campaña é moi longa e recomendámoslles que a collan con calma e que formulen propostas, que traballen en positivo e que cando fagan críticas que sexan reflexo da realidade e non simplemente co obxectivo de descualificar aos contrincantes políticos”.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
