Trátase dunha obra moi demandada pola veciñanza, enmarcada no traballo constante que desenvolve o Goberno na mellora do litoral da Mariña
Burela, 23 de marzo de 2023. A subdelegada do Goberno en Lugo, Isabel Rodríguez, supervisou este xoves os traballos de mellora que o Ministerio para a Transición Ecolóxica e o Reto Demográfico leva a cabo na praia do Portelo, no Concello de Burela. Isabel Rodríguez puxo en valor esta actuación que creará un novo acceso para persoas con mobilidade reducida na entrada principal do areal, que a día de hoxe non dispoñe del. “Conseguimos unha entrada sen barreiras arquitectónicas e accesible, ofrecendo ao bañista unha estancia cómoda, segura e factible para que as persoas con mobilidade reducida poidan gozar integramente dun estupendo día de praia”, asegurou a subdelegada.
Isabel Rodríguez, acompañada do alcalde de Burela, Alfredo Llano, e do xefe da Dirección Provincial de Costas, José Miguel Estevan, comprobou o estado das obras que consisten na demolición dunha parte das escalinatas do acceso á praia e a dotación dun novo camiño, con acabado en granito, e un varanda de aceiro inoxidable, todo elo adaptado á normativa actual. Ademais, o proxecto contempla a execución dunha zona de estancia para os usuarios. Estas actuacións contan cun investimento do Goberno de 20.000 euros.
Neste senso, a subdelegada explicou que se trata dunha obra moi demandada pola veciñanza, enmarcada no traballo constante que se está a facer dende o Goberno de España para a mellora e coidado do litoral da Mariña lucense.
“Esta iniciativa supón que a praia do Portelo, o areal máis utilizado polos veciños e turistas en Burela, se abra a todo o mundo e sexa máis inclusiva”, destacou a subdelegada, quen avanzou que esta nova pasarela estará dispoñible para o seu uso a próxima Semana Santa.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
