Ribadeo, 11 de abril de 2023. O Concello ven de adherirse á cuarta edición da campaña Únete ao reto para fomentar a reciclaxe dos envases de plástico, latas e bricks depositados no contedor amarelo. Si durante 3 meses Ribadeo logra un incremento do 10% con respecto ás cifras acadadas no 2022 recibirá como recompensa unha partida de 1.500 euros, cantidade que irá destinada á Asociación de Loita contra o Cancro de Ribadeo. A campaña foi presentada no Concello. No acto participaron o concelleiro de Medio Ambiente, Jorge Díaz, así como representantes de Acisa e da AECC ribadense.
O edil ribadense explicou que “hoxe damos comezo a unha campaña na que levamos tempo traballando con Ecoembes. Chámase Únete ao reto e o Concello de Ribadeo adheriuse a esta campaña na que estamos 11 concellos de todo o país. Ten unha causa social porque se subimos un 10 por cento na recollida de residuos do envase amarelo durante tres meses recibiremos unha bonificación económica que vai ir para unha entidade sen ánimo de lucro; neste caso vai ser unha colaboración coa delegación da Asociación Española de Loita contra o Cancro en Ribadeo”.
Díaz Freije dixo: “esperamos contar con todo o apoio posible porque tanto Acisa como a Asociación Española de Loita contra o Cancro están a colaborar. Esperamos que os hostaleiros, as tendas e os veciños e veciñas se comprometan”. E subliñou: “é unha campaña máis de concienciación cidadá para a recollida e reciclado do envase amarelo (bricks, latas, plásticos de uso doméstico e tamén de uso estendido en comercios e establecementos hostaleiros). Quixemos darlle visibilidade cun contedor amarelo, que está colocado no parque de San Francisco, e ademais no balcón do Concello de Ribadeo, que é de todos, puxemos unhas imaxes da campaña Únete ao reto, que comeza hoxe en Ribadeo”.
O concelleiro de Medio Ambiente engadiu: “pedimos a colaboración de todos os establecementos e de todos os veciños e veciñas para que sigan reciclando no contedor amarelo. Que sexan cada día máis responsables polo medio ambiente e pola biodiversidade da natureza”.
A presidenta de Acisa, Carmen Cruzado, manifestou: “desde Acisa queremos pedirlles ás nosas asociadas e asociados que se unan ao reto, que reciclen cada vez máis e mellor. Neste caso esta campaña pretende fomentar a reciclaxe de envases de plástico, latas e bricks nos contedores amarelos. Si, entre todas e todos, logramos incrementar nun 10% a cifra do ano pasado o Concello recibirá 1.500 euros, cantidade que se destinará á Asociación Española de Loita contra o Cancro de Ribadeo”.
Cruzado Iglesias fixo unha chamada á conciencia social: “é necesario que nos concienciemos da importancia da reciclaxe no noso día a día, de deixar os restos e o lixo que xeramos nos contedores habilitados para este fin. Todo o que fagamos ben será bo para o coidado do medio ambiente e iso terá repercusións positivas no entorno natural no que nos movemos e tamén na nosa saúde. Cun pequeniño xesto podemos lograr grandes resultados”. E tivo palabras de agradecemento: “desde Acisa agradecemos ao concelleiro de Medio Ambiente, Jorge Díaz, que contase coa nosa asociación para así unirnos ao reto”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
