A candidata socialista explicou que nesta nova andaina política “rodéanme persoas traballadoras e comprometidas. Formamos un equipo que cre nas posibilidades de Burela e no seu futuro. Esa é a nosa senda, traballar por e para o noso pobo e a súa veciñanza”
Burela, 22 de abril de 2023. Os socialistas de Burela celebraron este sábado no Salón de Conferencias da vila o acto de presentación da candidatura ás eleccións municipais, liderada por Carmela López Moreno.
Un encontro ao que asistiu o Secretario Xeral do PSdeG na provincia, José Tomé Roca, a Vicesecretaria do PSdeG e Alcaldesa de Lugo, Lara Méndez, a Deputada Autonómica Patricia Otero e o senador César Mogo, entre outros representantes institucionais do partido, alcaldes, concelleiros, militantes e simpatizantes do municipio e da comarca.
José Tomé dixo que Carmela López Moreno “é o mellor exemplo da fortaleza, dinamismo e ilusión que representa o Partido Socialista”, e tamén “de que os socialistas sempre vamos abrindo camiño na igualdade”, pois é a primeira muller candidata do Partido Socialista en Burela e “será a primeira muller Alcaldesa de Burela” pola súa “preparación, capacidade de traballo, experiencia, coñecemento do concello, empatía e contacto co tecido empresarial e asociativo”.
“Serás Alcaldesa para seguir mellorando a vida da xente ,defender os servizos públicos, a xustiza social, o benestar, a igualdade de oportunidades, para traballar polas infraestruturas, pola promoción da economía e polo apoio á pesca, tan importante neste concello e na comarca. E por suposto, dando continuidade e un novo impulso ó proxecto liderado polo Alcalde, Alfredo Llano”, remarcou o líder socialista na súa intervención, agradecendo ao rexedor “todos estes anos á fronte do proxecto socialista”.
O Secretario Xeral do PSdeG na provincia de Lugo explicou que neste mandato que remata, “dende o goberno progresista da Deputación de Lugo dedicamos a Burela máis de 3.100.000€, para mellorar e para dotar de novos servizos ós veciños e veciñas, en colaboración sempre co Concello. Esa vai seguir sendo a nosa senda, traballar unidos”, expuxo.
A actual Concelleira de Servizos Sociais e Mar e Alcaldable sinalou que dá “un paso adiante” como candidata á Alcaldía “co reto de poder traballar ao servizo da vila na que nacín e a vila que desexo ver medrar día tras día”. “Preséntome co maior respecto, tamén coa máxima ilusión e, por suposto, sendo consciente da enorme responsabilidade que esixe este cargo público. Quero gobernar para cumprir ese soño colectivo de transformar e modernizar o noso concello”.
Ademais, a candidata socialista explicou que nesta nova andaina política “rodéanme persoas traballadoras e comprometidas. Formamos un equipo que cre nas posibilidades de Burela e no seu futuro. Esa é a nosa senda, traballar por e para Burela e a súa veciñanza. Por iso, quero aproveitar esta ocasión para agradecer ao compañeiro Alfredo Llano, así como aos membros do Goberno o seu esforzo incansable ao longo destes anos pelexando sempre por mellorar os nosos servicios e as nosas dotacións públicas ”, incidiu.
“Aínda nos queda moito camiño por percorrer, pero dende logo que estamos preparados para asumir novos retos que posicionarán a Burela no espazo que se merece. Temos unha folla de ruta clara e un proxecto definido que abarca melloras a todos os niveis e en todas as áreas, no que a participación e a escoita dos cidadáns é fundamental”. E subliñou que “debemos detectar necesidades e conseguir solucións para facilitarlle a vida aos nosos veciños e veciñas”.
Candidatura do PSdeG ás eleccións municipais de Burela
A candidatura socialista de Burela está composta polos seguintes candidatos e candidatas:
1- Carmela López Moreno
2- Ramiro Fernández Rey
3- Lina Gómez Pardo
4- Carlos Méndez Pena
5- Patricia Eijo Palmeiro
6- Antonio Carlos Gonçalves
7- Catalina Caamaño Isorna
8- José Manuel Casdelo Filgueiras
9- María Elvira García López
10- Diego Fole Eimil
11- Celia Álvarez Mazorra
12- Alberto Méndez Suárez
13- Patricia Otero Rodríguez
14- Manuel José Fernández Rodríguez
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
