Viveiro, 16 de maio, 2023. Este 17 de maio de 2023, desde o BNG de Viveiro a candidata á alcaldía Míriam Bermúdez, chama a reivindicar a protección do galego e anima a celebrar o Día das Letras como un acto de orgullo colectivo.
Este ano as Letras xiran arredor de Francisco Fernández del Riego, quen baixo o pseudónimo de Salvador Lorenzana publicaba en 1971 “Pensamento e Sementeira”, libro no que se recollen numerosos artigos do viveirense Antón Vilar Ponte.
Polo que aproveitando a ocasión e recordando que Antón Vilar Ponte foi o principal impulsor das Irmandades da Fala, cremos necesario lembrar os seguintes incumprimentos:
1. Pasaron 7 anos xa e aínda non se cumpriu o acordo de nomear a zona axardinada da Misericordia Irmandades da Fala. Foi en febrero de 2016 cando o BNG presentaba a moción para nomear esta zona pública axardinada como parque das Irmandades da Fala e xestionar a colocación dun monolito neste lugar. A moción foi aprobada mais nada se ten feito.
2. No ano 2021 o BNG propuxo que se recupere o mural coas vidrieiras de Neira Brochs (composto polos escudos de Lugo, A Coruña, Ourense, Pontevedra, Viveiro e a dedicada a Ramón Vilar Ponte), donadas polo comerciante Novo Guerreiro hai case 12 anos para instalar nun edificio público do Concello. A moción foi aprobada mais nada se ten feito.
3. Este 17 de maio de 2023, xa que a Academia Galega lle dedica a Francisco Fernández del Riego, cremos que podería ser unha data apropiada para reparar este desleixo recordando a obra dos irmáns Vilar Ponte tal e como fixo Francisco Fernández en “Pensamento e Sementeira”.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
