O Pescados Rubén Burela FS proclámase Campeón de Liga 2022-2023, quinta liga e cuarto título dos catro disputados esta tempada
Burela, 25 de xuño, 2023. O segundo encontro da final do Playoff celebrouse ás 18.00 horas da tarde de onte no Pavillón Municipal Vista Alegre de Burela, onde puidemos gozar de novo do clásico Pescados Rubén Burela FS – Futsi Atlético Navalcarnero nun segundo partido que podía ser decisivo e así foi. As Guerreiras Laranxas proclamáronse Campioas da liga 2022-2023, quinta liga do equipo. Despois dunha tempada case perfecta o equipo de Burela levouse o seu cuarto título da tempada, dos catro disputados. Podemos afirmar que este ano nosas guerreiras foron Campioas de todo.
Tras dun partido moi disputado, sobre todo na primeira parte, onde o conxunto de Julio Delgado comeza perdendo 0-2, non podendo quedar indiferentes ante o resultado remontan o partido desa forma á que nos teñen xa afeitos, con entrega, paixón e sacrificio.
Cun pavillón cheo, sobre 1200 espectadores, asistiron ao encontro o Presidente da CNFS José Miguel Monje, como Asesor do Presidente o membro da xunta directiva da RFEF, Antonio García-Plata e como Representante Institucional da CNFS, Luís Amado. Tamén asistiron a seleccionadora nacional Claudia Pons e o seleccionador nacional Federico Vidal. Tamén acudiu ao partido Natalia Orive, membro da xunta directiva da RFEF e Presidenta da Asociación de Xogadoras de Fútbol sala (AJFSF). Da RFGF, o Vicepresidente Pablo Prieto e da Xunta de Galicia o Xefe de Servizo de Deportes da Xunta en Lugo, Manuel Otero Méndez. Por parte do Concello de Burela asistiu a nova alcaldesa Carmela López Moreno.
Comeza o partido con oportunidades erradas para o Pescados Rubén, unha clarísima de Antía Pérez no minuto 2 cun potente disparo que vai á o traveseiro e outra no minuto 3 de Dany cun tiro desde a banda que detén a porteira do equipo madrileño, Marta Balbuena. No minuto 4 tras un pase longo Becha atopa o 0-1 soa ante Caridad. No 10 de novo Becha, de forma parecida ao primeiro gol, mete o segundo recortando o balón antes de lanzar a portería. Continúa o xogo con poucas oportunidades para senllos equipos, presiona o Futsi deixando un dobre paradón incrible de Caridad tras un tiro frontal desde fóra da área e outro inmediatamente posterior ao que logra chegar salvando o terceiro gol en contra. No minuto 19 chega o primeiro gol do Burela, cun tiro de Dany que tras unha boa combinación con Peque corre cara á portería e anota o 1-2 con disparo desde fóra da área. Remata a primeira parte co marcador 1-2.
No segundo tempo chega o empate no minuto 26 tras un remate de Patricia despois dun pase de Emilly que Balbuena non logra deter. No minuto 29 chega a quinta falta do Futsi. Continúa o partido sen goles, cun Pescados Rubén que presiona pero non atopa o tanto da vitoria. No minuto 36 Irene Samper aproveita unha boa oportunidade cun disparo que detén Balbuena. Na sexta falta no minuto 39 o dobre penalti que lanza Antía é interrompido pola porteira do equipo madrileño dando posteriormente no pau e non conseguindo poñer por diante o marcador. Chega o final do partido e comeza a prórroga. Durante a prórroga ningún dos dous equipos atopa o gol e chegan os penaltis. Despois de dous paradones da nosa porteraza e segunda capitá Jozi Oliveira e 5/5 acertos por parte do conxunto laranxa, pleno ao cinco, o encontro remata cun marcador final (5)2 – 2(3).
O Pescados Rubén Burela FS proclámase Campión de Liga e Campioas de Todo da Tempada 2022-2023.
Ficha Técnica Pescados Rubén Burela FS – Futsi Atlético Navalcarnero
Pescados Rubén Burela FS: Caridad (P), Dany, Antía Pérez, Irene Samper, Emilly – cinco inicial- Saki, Peque (C), Jenny, Patricia, Jozi Oliveira (P).
Futsi Atlético Navalcarnero: Marta Balbuena (P), Irene Córdoba, Ame Romero, María Sanz, Laura Córdoba – cinco inicial -, Becha, Leti (C), Luchi, Belén (P)
Goles: Min.4 Becha 0-1; min.10 Becha 0-2; min. min.19 Dany 1-2; min.26 Patricia 2-2;
Equipo Arbitral: Tomás Santander, José Lázaro e María López.
TA: min.3 Jenny, min.12 Peque, min.14 Becha, min.17 Leti, min.24 Antía Pérez, min.25 Laura Córdoba, min.29 Laura Bodero (Fisioterapeuta Futsi), min.32 Alberto Arranz (Segundo entrenador Futsi), min. 39 Julio Delgado (entrenador Burela FS).
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
