Os candidatos do PP pola provincia visitaron esta mañá A Mariña, e puxeron de manifesto a marxinación á que somete o Goberno de Pedro Sánchez a esta comarca lucense
Lugo, 30 de xuño de 2023. O cabeza de lista popular ao Congreso pola provincia de Lugo, Francisco Conde, puxo de relevo esta mañá que se Alberto Núñez Feijóo é o próximo presidente de España, chegará un compromiso real coa Mariña en investimentos para infraestruturas, uns investimentos que Pedro Sánchez ten negados á Mariña nos últimos anos. Foi durante unha visita á comarca na que participaron tamén o cabeza de lista ao Senado, José Manuel Barreiro, outros membros das candidaturas coma os mariñáns Jaime De Olano e Mercedes Rodríguez, alcaldes e portavoces da comarca.
Neste sentido, Conde resaltou que “as infraestruturas non só son necesarias para acceder aos distintos Concellos da comarca, senón tamén para a competitividade do tecido industrial, para captar máis investimentos e garantir que as empresas xa implantadas poidan competir en igualdade de condicións”.
Os populares destacaron que a Autovía da Mariña Lucense, a A-74, é unha actuación estratéxica para Galicia, porque supón a mellora de comunicacións na comarca ao enlazar coa A-8. A comarca é unha das maiores zonas produtoras de madeira, na que hai portos pesqueiros de referencia, un porto de interese xeral do Estado e unha multinacional do aluminio. A A-74 está dividida en 4 tramos: O Carme-Barreiros; Foz- O Carme, Foz-Burela e Burela-San Cibrao. Francisco Conde destacou que esta autovía é unha infraestrutura que xa figuraba no PEIT 2005-2020.
Os candidatos populares manifestaron que o PP urxiu en reiteradas ocasións ao Goberno para que dera pasos para avanzar na construción da A-74, que se ve paralizada “sine die” nos orzamentos xerais do Estado para o ano en curso. O Goberno de Pedro Sánchez só recolleu 500.000 euros de investimento en 2023 e sen que figuren partidas previstas para os próximos anos. Esta cantidade deixa de manifesto a súa falta de compromiso coa comarca. Por outra banda, os populares explican que o Goberno de Rajoy consignara 3,6 millóns de euros para o ano 2018 con anualidades previstas para os exercicios 2019, 2020 e 2021.
Nas emendas aos orzamentos xerais do Estado, o PP reclamou un incremento de 3,15 millóns de euros de investimento para garantir o avance da A-74. Tamén neste caso, unha vez máis os deputados do PSOE déronlle as costas á provincia e á comarca ao votar en contra das emendas a favor do incremento de investimento para a A-74. Os populares engaden tamén que o voto do BNG para a Pedro Sánchez presidente tampouco serviu para avanzar nesta infraestrutura.
APOIOS DA XUNTA E DO PARTIDO POPULAR
En contraposición ao abandono ao que somete o Goberno á Mariña, os candidatos populares destacaron que a Xunta, nos peores anos da crise económica, investiu 100 M€ e puxo en servizo dous tramos da vía de altas prestacións da Costa Norte: a variante de Ortigueira e o tramo de Celeiro-San Cibrao, ambas cun investimento que se aproxima aos 50 M€, 100 en total.
Os deputados e senadores populares teñen presentado diversas iniciativas en relación co atraso inxustificado na execución da necesaria autovía A74. Recentemente, no Parlamento de Galicia, ao fío da gran fochanca que se produciu na N-642, o Grupo Popular reclamou, entre outros aspectos, o inmediato inicio das obras de construción da autovía. Igualmente, os deputados no Congreso e os senadores pediron que se impulsara a execución da autovía da Mariña dando pasos firmes para a construción da vía.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
