NOTA DE PRENSA:
DESDE HOXE E ATA O VINDEIRO 1 DE OUTUBRO ESTÁ ABERTO O PRAZO DE INSCRICIÓN PARA ANOTARSE NAS ESCOLAS DEPORTIVAS MUNICIPAIS QUE ORGANIZA O CONCELLO. VICENTE CASTRO CONSIDERA QUE SUPOÑEN UNHA ACTIVIDADE SOCIAL BÁSICA PARA OS RAPACES.
Ribadeo, 15 de setembro de 2010. Desde hoxe e ata o vindeiro 1 de outubro está aberto o prazo de inscrición para anotarse nas escolas deportivas municipais que organiza o Concello de Ribadeo. Os interesados deberán facelos na OMIX.
O concelleiro de Deportes, Vicente Castro, manifestou que “este ano hai varias novidades xa que ofertamos tres escolas novas, kárate, atletismo e tenis de mesa e causa baixa a de xudo. O período de inscrición comeza hoxe e remata o vindeiro 1 de outubro e o lugar ao que deben dirixirse os interesados é a OMIX, ubicada no auditorio”.
O edil nacionalista subliñou que “as escolas de natación e kárate teñen prazas limitadas, polo que a inscrición farase por estricto orde de chegada. Recalco isto despois da experiencia que vivimos este pasado verán coas actividades de tempo libre para que ninguén se leve a engano e que non se produzan malos entendidos. A inscrición será nas oficinas da OMIX por estricto orde, un traballo do que se encargarán os técnicos da OMIX e de Deportes. Unha vez que se cubran as prazas abrirase unha lista de espera para cubrir as baixas que se poidan producir por incompatibilidade horaria ou outros problemas. Por ese mesmo motivo o prazo de pagamento das taxas rematará o 18 de outubro”.
Castro lembrou que “cada cativo poderá inscribirse nun máximo de dúas escolas deportivas. Agardamos chegar aos 400 rapaces participantes que se rexistraron nos dous últimos anos, tanto no curso 2008-2009 como no 2009-2010. Aspiramos a que non se reduza a inscrición porque as escolas, a parte da faceta lúdico- deportiva, supoñen tamén unha actividade social para os rapaces básica en canto ás relacións entre os cativos e para a educación e a formación dos nenos”.
As modalidades que se ofrecerán este ano son: natación, fútbol-sala, tenis, baloncesto, patinaxe, ximnasia rítmica, fútbol, atletismo, tenis de mesa e kárate.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.