A muleña será a terceira incorporación do equipo para afrontar unha tempada con grandes retos
Burela, 8 de agosto, 2023. Noelia Montoro Susarte, Noelia Montoro, é a terceira fichaxe do Pescados Rubén Burela FS para esta próxima tempada 2023-2024 na que o reto de manter todos os títulos que gañaron a pasada será unha tarefa difícil. O á-peche de 25 anos incorpórase ao conxunto de Julio Delgado para contribuír a continuar facendo historia cun equipo que todo o gaña. A xogadora murciana provén do STV Roldán, onde xogou e destacou durante 3 tempadas, competindo a un gran nivel especialmente durante a pasada tempada na que se clasificaron para a Supercopa e competiron a final da Copa de Réina fronte ao finalmente vencedor Burela FS. Natural de Mula (Murcia), Montoro iniciouse no fútbol sala en 2008 no equipo da súa cidade, PDM Mula, onde xogou ata 2014 que ficha polo UCAM O Pozo ata o 2020 que se vai ao STV Roldán ata a pasada tempada. Importante incoporación a unha plantilla que o ano pasado chegou bastante xusta a todas as finais que se levou, todas.
O presidente do Pescados Rubén Burela FS, Manuel Blanco Fanego, confía en que esta nova fichaxe será fundamental para afrontar o novo reto, “É unha xogadora que creceu moito no anterior equipo, o Roldán, un moi bo equipo e é unha xogadora internacional. Vai reforzar ben a defensa, vai á dar unha importante estrutura sobre todo a nivel defensivo para manter a intensidade durante todo o partido en ataque e en defensa e mesmo dar un plus potencia. Ten unha moi boa traxectoria e gran experiencia en Primeira División.
Con moita paixón e ganas chega Noelia ao equipo, interesada tamén nas condicións “Sempre me chamou a atención o sistema do club, as condicións e profesionalización das xogadoras. Ademais da súa ambición e carácter en todas as competicións que participan. Paréceme un grandísimo club”. As súas espectativas, “Aportar intensidade, garra e seguridade. Apoiar ás miñas compañeiras e transmitir boa enerxía. E como aprendizaxe, render ao meu máximo nivel, competir e gozar con todo o equipo”. Os seus obxectivos, “Mellorar, competir e axudar ao equipo para conseguir todos os obxectivos”. Deixa unha mensaxe á afección, “Que teño moitas ganas de empezar e de xogar en Vista Alegre para desfrutar coa grandísima afección que ten o club”.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
