Nota de prensa:
O PROXECTO RÍOS INICIOU A SÚA CAMPAÑA DE OUTONO 2010 E ORGANIZA AS XII XORNADAS DE FORMACIÓN DO VOLUNTARIADO ENTRE OUTRAS ACTIVIDADES.
O 15 de setembro iniciouse a campaña de outono do Proxecto Ríos, que se prolongará ata o 31 de outubro.
Santiago de Compostela (16 setembro 2010)
O Proxecto Ríos é unha iniciativa de Educación e Voluntariado Ambiental promovida por ADEGA. A finalidade deste programa é dar a coñecer o importante papel dos cursos fluviais, amosar as súas problemáticas así como fomentar iniciativas que permitan á cidadanía o mantenemento e a mellora dos ríos proporcionando as ferramentas que garantan a súa participación.
Durante esta campaña de outono están programadas saídas formativas con distintas entidades (centros de ensino de primaria e secundaria, concellos, asociacións, grupos ecoloxistas,…). As saídas formativas consisten en realizar roteiros polo río escollido desenvolvendo e explicando a un grupo de participantes do Proxecto Ríos a metodoloxía e partes do programa. Na saída explicaranse de maneira didáctica os pasos a seguir para que o grupo de voluntarios poda logo desenvolver o programa autonomamente.
Nesta campaña de outono todos os grupos participantes deberán facer as inspeccións cos novos materiais: manual de inspección básica de ríos, ficha de identificación de macroinvertebrados e reactivos para a medición de pH, nitratos e osíxeno disolto. Pódese descargar a nova Ficha de Campo para a Inspección de Ríos da nosa páxina web: www.proxectorios.org no apartado de “descargas”, que haberá cubrir cando se faga a inspección e enviar á sede do Proxecto Ríos.
Ademais queremos dar conta das actividades programadas polo Proxecto Ríos para esta campaña de outono:
A fin de semana do 25 e 26 de setembro organizamos un roteiro por Pena Trevinca dentro do programa Roteirríos 2010. Este ano os roteirríos están adicados a poñer en valor os ríos de montaña. Para poder participar se pode consultar a páxina web do Proxecto Ríos onde ven a programación e o contacto para se anotar.
Faremos o XII Curso de Formación de Coordinadores/as na Estación de Hidrobioloxía do Encoro do Con o sábado 2 de outubro. Estará adicado á utilización do Índice de Calidade Hidromorfolóxica (IHF), co que avaliaremos a calidade do hábitat do punto de mostreo do treito de río estudado.
O 3 de outubro celebrarase a III Limpeza Simultánea de Ríos na que, como en anos anteriores, faremos tarefas de limpeza en ríos de 22 concellos. Na nosa páxina aparecerá publicado o listado destes concellos cos nomes e teléfonos dos coordinadores para que a cidadanía poida participar.
A fin de semana do 15, 16 e 17 de outubro desenvolveremos a cuarta e derradeira quenda do IV campo de voluntariado ambiental do río Tea. O prazo de inscrición xa está aberto, e pódese descargar a ficha na nosa páxina web (www.proxectorios.org).
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xoves dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
