Os participantes contarán con bolsas e axudas para formarse no ámbito sociosanitario, administrativo ou na dinamización de actividades de tempo libre
Burela, 4 de outubro de 2023. O Concello de Burela acollerá nos vindeiros meses tres cursos dirixidos a persoas desempregadas. As formacións capacitarán ás persoas participantes para incorporarse ao ámbito laboral en sectores como a atención sociosanitaria, os servizos administrativos ou as actividades de tempo libre. O alumnado terá acceso a un conxunto de bolsas e axudas para completar a formación.
“Estes cursos son unha oportunidade para mellorar a inserción laboral da cidadanía de Burela. Os participantes non só acreditarán novas competencias, senón que tamén poderán realizar un período de prácticas en empresas”, sinala a alcaldesa de Burela, Carmela López.
Deste modo, o Concello de Burela acollerá as seguintes formacións:
Atención sociosanitaria a persoas dependentes en institucións socias. Cunha carga lectiva de 468 horas, a formación iniciarase en novembro de 2023 e será necesario contar co título de E.S.O. ou un equivalente.
Operacións auxiliares de servizos administrativos e xerais. Cunha carga lectiva de 448 horas, a formación iniciarase en novembro de 2023 e non conta con requisitos académicos de acceso.
Dinamización de actividades de tempo libre, educativo, infantil e xuvenil. Cunha carga lectiva de 328 horas, a formación iniciarase en 2024 e será necesario contar co título de E.S.O. ou equivalente.
Os cursos, que se impartirán no Centro de Formación Ocupacional do Concello, enmárcanse no plan formativo para o emprego da comunidade autónoma de Galicia. Estas formacións permitirán ao alumnado obter o certificado de profesionalidade co que acreditar as súas competencias no ámbito laboral.
As persoas interesadas poden informarse no Centro de Formación Ocupacional do Concello de Burela, situado no número 137 da avenida Arcadio Pardiñas, no teléfono 982580624 ou no e-mail cfo@burela.org.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
