O voceiro popular en Trabada, José María Fernández, afirma que a alcaldesa “está ausente do municipio” e por este motivo ten que facer “unha campaña para tentar lavar a súa imaxe e paliar o descoñecemento que ten das necesidades dos veciños”
Trabada, 6 de outubro de 2023. O voceiro do PP de Trabada, José María Fernández, denuncia a campaña de “lavado de imaxe” que está a realizar a alcaldesa do municipio “debido a que sempre está ausente e por iso ten que facer estas xuntanzas coa veciñanza para coñecer as súas necesidades”.
José María Fernández pregunta á alcaldesa se “realmente vai atender as peticións dos veciños das parroquias ou van caer en saco roto como todas as súas promesas electorais, das que non cumpriu nin a primeira”.
Dende o PP de Trabada explican que “nós si que coñecemos os problemas reais dos veciños” e o que eles queren é:
Que se arranxen as estradas, sobre todo as provinciais, algo para o que a alcaldesa podería facer presión como deputada do goberno provincial.
Concentracións parcelarias, xa que dende que ela é alcaldesa non se realizou nin unha e todas as existentes son grazas ás xestións do Partido Popular.
Vivendas de protección oficial, xa que nos seus mandatos non se fixo ningunha, sendo esta unha gran reclamación sobre todo entre a xente moza
Nada se sabe do polígono industrial, polo que Trabada leva anos agardando. Xa había un convenio asinado entre o Concello e a Deputación, pero seguramente a alcaldesa o gardou nun caixón para non volver abrilo máis
En cambio, a alcaldesa fala de facer un auditorio en Trabada: “non poñemos en dúbida de que sexa unha boa inversión, pero a realidade é que non é o que reclaman os veciños”. “Se repasamos todos os seus anos como alcaldesa ninguén pode poñer en dúbida que non trouxo nin un só investimento importante a Trabada”, lamentou, sen esquecer que de todas as peticións que se realizaron publicamente por parte de asociacións veciñais e de comunidades de montes non atendeu ningunha.
José María Fernández esixe “traballo, rigor e seriedade” á alcaldesa xa que os veciños queren “feitos e ver como se solucionan os seus problemas, xa que os titulares e as fotos nos xornais son cousa dun día, pero non solucionan nada”.
O voceiro popular recorda ademais que o deber da alcaldesa é “estar no día a día do municipio e dos veciños” xa que en lugar de organizar este tipo de xuntanzas “debe ser ela a que estea a disposición dos veciños e se poidan achegar a ela para explicarlle os seus problemas e necesidades, pero a realidade é que non poden porque nunca está”.
Neste senso, dende o PP de Trabada recórdase que “no noso programa electoral levábamos como un dos compromisos manter xuntanzas veciñais semestrais, mantendo así un contacto estreito con toda a veciñanza para estar sempre ao tanto das necesidades existentes”.
Por último, José María Fernández denuncia a actitude da alcaldesa xa que agora presume de realizar este tipo de xuntanzas “pero non di que sempre se negou a ceder locais municipais cando se lle solicitaron dende o Partido Popular para facer reunións cos veciños ou asociacións”.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
