O alcalde agradece a súa asistencia e que BNG e PSOE acudisen á convocatoria realizada polo equipo de goberno
Ribadeo, 8 de novembro de 2023. O Concello reuniuse coas comunidades de montes para abordar a situación xerada tras os incendios do pasado 12 de outubro no que resultaron queimadas 1.603 hectáreas de superficie. O alcalde, Dani Vega, agradece a súa asistencia e tamén que BNG e PSOE acudisen á convocatoria realizada polo equipo de goberno.
O rexedor dixo que “desde o Concello de Ribadeo seguimos traballando e facendo unha xestión conxunta entre os Concellos de Foz e Trabada e tamén coa Xunta de Galicia”.
Vega lembrou que “facíamos hai poucos días unha valoración moi positiva da reunión mantida coa Consellería de Medio Rural para trazar unha estratexia conxunta de traballo. E tamén o Concello de Ribadeo foi o único en convocar aos portavoces dos grupos municipais, tanto do PSOE como do BNG. Explicámoslles todo o abordado cos Concellos de Foz, de Trabada e coa Xunta e tamén convidamos ás comunidades de montes a traballar conxuntamente nunha estratexia”.
O alcalde explicou que “nese encontro contámoslles que a Xunta está a facer un análise da situación, aí trasladamos os datos concretos da superficie queimada, que son 1603 hectáreas, e iso convértenos no concello con maior superficie queimada, pero os datos non están pechados. O número de afectados está aínda por concretar e o impacto económico e medio ambiental. Aquí a Xunta está a facer un traballo conxunto cos concellos e tamén convocaremos a todos os propietarios para informar das medidas a adoptar”.
Dani Vega indicou que “tamén faremos unha estratexia conxunta das cortas. Imos ter que simplificar a tramitación e pactalas entre propietarios, a dirección que corra a cargo da administración e as empresas forestais espero que respecten os contratos cos propietarios. Ribadeo liderou esta proposta e así llo explicamos aos dous grupos municipais, tanto ao BNG como ao PSOE”.
O rexedor considera que “haberá que tomar medidas a medio ou a longo prazo. Podería ser a xestión conxunta das plantacións, un plan de infraestruturas do século XXI, hai que realizar un inventario de camiños, aí o Concello xa está empezando a traballar, hai que ver o modelo económico, a maquinaria, hai que crear aparcamentos forestais, a actuación tamén nos depósitos de incendios, mellorar os accesos, etc. Creo que son unha serie de medidas que todos entendemos fundamentais. Hai que promover a colaboración coas comunidades de montes, coas agrupacións das mesmas e, creo que é unha boa reivindicación, empezar a instalar cámaras de vixilancia e por parte do Concello vamos tamén a redactar un protocolo para o caso de incendios”.
Vega subliñou que “son medidas de calado, son medidas importantes e hai que destacar que por parte das comunidades de montes entenderon que esta reunión foi moi positiva, así nolo trasladaron e tamén os grupos políticos nos agradeceron que os convocaramos e que lles explicaramos. En definitiva, que traballemos todos xuntos, que é o que importa, para solucionar un problema moi importante desde un punto de vista económico e tamén medio ambiental”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
