“A gran maioría dos lucenses ten un Goberno municipal socialista e toda esa forza e compromiso contribuirá a que tamén gobernemos en Galicia”, subliñou o candidato á Xunta nun encontro cos alcaldes e voceiros dos 67 concellos lucenses
Lugo, 29 de decembro de 2023. O poder municipal do PSdeG na provincia de Lugo respalda a Besteiro para activar o cambio na Xunta de Galicia. Así quedou de manifesto no encontro que o candidato socialista á Presidencia da Xunta mantivo este venres na cidade xunto ao Secretario Xeral do partido na provincia, José Tomé Roca, cos alcaldes e alcaldesas, e cos voceiros e voceiras municipais dos 67 concellos lucenses.
Neste “momento crucial e ilusionante para o futuro da provincia e do conxunto de Galicia”, os rexedores e edís socialistas comprometéronse a sumar todos os esforzos ao seu alcance para que o seu traballo dende o local sirva como motor do cambio liderado por José Ramón Gómez Besteiro.
O candidato do PSdeG resaltou neste sentido o papel dos concellos como bastións da confianza cidadá nos socialistas. “A gran maioría dos lucenses ten un Goberno municipal socialista e estou convencido de que toda esa forza, unidade e compromiso contribuirá a que tamén gobernemos en Galicia”, subliñou. “Os nosos alcaldes e concelleiros son o mellor exemplo do compromiso, da cercanía e da capacidade de xestión para mellorar a vida da xente e, xunto a eles, queremos impulsar o futuro de Galicia”, asegurou.
“Galicia está perdendo oportunidades”, incidiu Besteiro, “de feito está medrando menos que o resto do país, por culpa das políticas incapaces, a inercia e a confrontación na que está instalado Rueda e o PP. Os socialistas estamos preparados para gañar as eleccións e para darlle a Galicia o impulso que necesita e merece”.
O Secretario Provincial do PSdeG de Lugo presentou a Besteiro como “o lucense que vai chegar ao Goberno da Xunta para mellorar a vida de todas e todos os galegos. O seu compromiso coa cidadanía é inquebrantable”, dixo José Tomé.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
