Trabada, 12 de xaneiro, 2024. Nun pleno extraordinario, renuncia oficialmente á alcaldía agradecendo “o cariño dos veciños e o apoio da miña familia, foi un pracer ser a vosa alcaldesa”.
Mayra García Bermúdez presentou hoxe oficialmente a súa renuncia á alcaldía do Concello de Trabada nun pleno extraordinario “difícil e con moitos sentimentos encontrados”.
“Como sabedes, incurre causa de inelexibilidade ser alcaldesa e deputada provincial con ser candidata ao Parlamento de Galicia, por iso me vexo na obriga de poñer fin a unha etapa tan maravillosa como intensa na miña vida”, asegurou García Bermúdez.
O salón de plenos estaba cheo de veciñas e veciños para despedirse de Mayra García Bermúdez, a quen lle regalaron dous ramos de frores: un o seu equipo de goberno e outro varias mulleres que participan no programa de terapia ocupacional.
No seu discurso de despedida, apuntou que “foi, ante todo, unha honra pero sobre todo, unha gran responsabilidade ser a alcaldesa de Trabada. Por iso, dende o primeiro día, asumín este importante e fermoso traballo con toda a dedicación que merece este cargo”.
Mayra García Bermúdez fixo un repaso da súa xestión e asegurou que “cando miro Trabada vexo un pobo mellor que o que atopei, un pobo con rumbo, máis aberto e con máis futuro. E por suposto, o mérito non é só meu, pero síntome moi orgullosa de contribuír a que así sexa”.
“Quero dirixirme tamén ó grupo municipal socialista, ós meus compañeiros e compañeiras: Yuli, Rubén, Mari Carmen, Suevia, Rosa. Gustaríame poñer de manifesto a xenerosidade de Yuli, a súa entrega e o seu traballo, e a Rubén dicirlle que vai ter o meu apoio sempre, que a ilusión coa que asume a alcaldía é o ingrediente principal para ser un bo alcalde”.
E xa nun plano máis persoal, “quixera dedicar as últimas palabras deste discurso á miña familia. Aos meus pais, agradecerlles que me fixeran ver desde pequena o importante que é defender as ideas e que me deixaran a mellor herencia que un pai lle pode deixar a un fillo, que é a oportunidade de formarme, porque sabemos que a educación é a arma máis poderosa para combatir a desigualdade”.
“Espero que non se leven moitos disgustos e que poidan sentirse orgullosos de min, igual que dos meus irmáns, e tanto como eu me sinto deles, porque grazas á miña familia son quen son. Eles enseñáronme o valor do compromiso cos demáis, do respeto, da liberdade e da igualdade”, engadiu emocionada, antes de lembrarse tamén dos seus avós.
“E xa para ir rematando, gustaríame ter un recordo para todas as mulleres que me precederon, para as avoas e nais que dedicaron a súa vida aos demáis, á crianza e coidado das súas fillas e fillos, das netas e netos, tamén dos seus maiores, ás que traballaron no campo sen remuneración, a esas mulleres que sin estudar deron estudos ás súas fillas, porque se hoxe podemos ocupar os espazos de maneira máis visible foi grazas a elas, por iso a loita pola igualdade é imparable, porque só queremos compartir o mundo e a vida en pé de igualdade, nada máis e nada menos”, afirmou.
“Manifestarvos que o meu compromiso segue intacto, que esté donde esté vou seguir traballando por este pobo e que me tedes á vosa disposición se credes que poido axudarvos. Foi un inmenso pracer compartir estes anos con todos vós e ser a vosa alcaldesa”, rematou Mayra García Bermúdez.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
