A número tres da candidatura socialista ás eleccións autonómicas pola provincia reivindicou no Vicedo a necesidade de aumentar os investimentos en Sanidade e Educación porque “só a aposta por uns servizos públicos de calidade poden frear a perda de poboación”
O Vicedo, 26 de xaneiro de 2024. A número tres da candidatura socialista ás eleccións autonómicas pola provincia de Lugo, Mayra García Bermúdez, reivindicou este venres no Vicedo a necesidade de aumentar en Galicia os investimentos en Sanidade e Educación. Algo que, asegurou, fará José Ramón Gómez Besteiro cando chegue á Xunta, porque “só a aposta por uns servizos públicos de calidade poden frear a perda de poboación no noso rural”.
García Bermúdez sinalou que, na última década, a Xunta do PP pechou 138 escolas en Galicia. E nese sentido destacou que precisamente ter un centro próximo ou transporte escolar son “elementos esenciais para poder ofrecer á xente a posibilidade de realizar o seu proxecto vital nos concellos pequenos”.
Acompañada pola Deputada no Parlamento galego, Patricia Otero, e compañeiros e compañeiras da agrupación local, Bermúdez anunciou que “Besteiro recuperará a gratuidade dos libros de texto cando chegue á Xunta de Galicia”, como exemplo do compromiso do candidato socialista á presidencia do Goberno galego. Apuntou ademais outras propostas en materia de educación, como reverter os recortes, reformular as horas de docencia e baixar as ratios de alumno por docente.
Centro médico
Tras achegarse ao Centro de Saúde do Vicedo, Mayra García tamén destacou que “Besteiro dotará con máis orzamento a Atención Primaria para mellorar a calidade asistencial dos pacientes e para que o persoal mellor formado se quede a traballar en Galicia”. Lembrou a socialista que neste concello da Mariña decenas de persoas saíron ás rúas o domingo pasado para pedirlle á Xunta que dote ao municipio de médicos suficientes, lamentando que a veciñanza tense que desprazar con frecuencia ao PAC de Viveiro para resolver cuestións médicas.
“A sanidade e a educación non son números, detrás de cada número hai unha persoa”, destacou a candidata, quen subliñou que “non pode haber un concello sen un médico e sen un mestre” tamén algunhas das propostas de Besteiro no plano sanitario, como a convocatoria íntegra de todas as prazas de categorías vencelladas coa atención primaria.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
