Nun encontro intenso, o conxunto burelés consegue un punto nesta xornada ante un Betis moi vido arriba
Burela, 27 de xaneiro, 2024. Esta tarde ás 18.45h no pavillón municipal Vista Alegre de Burela xogábase a 17ª xornada de Segunda División de Futsal, Pescados Rubén Burela FS – Real Betis Futsal “B” cun resultado final 2-2. Nun encontro moi disputado e con moitísimo ritmo durante practicamente os 40 minutos, un Betis moi “acendido” conseguiu levar o marcador por diante durante o partido, facendo unha primeira parte bastante igualada e aproveitando ben as oportunidades nunha segunda parte máis dominada polo conxunto local, que presiona durante case todo o segundo tempo pero con pouco tino.
Comeza o partido igualado con moito xogo de balón e non moitos tiros a porta. No minuto 10 chega o 0-1 cun gol de Pablo Muñoz dende dentro da área e 4 minutos despois Lucho cóalla a Santi Souviron tras recibir un pase ao segundo pau, desde onde o capitán logra empatar o encontro. Continúa a presión por parte de ambos os equipos sen demasiados tiros a porta por parte de ningún dos dous, pero moita intensidade e no minuto 19, a uns segundos do descanso, Raúl López logra adiantar o marcador nun tiro raso que entra pegado ao pau da portería local. Un gol pouco oportuno para o conxunto burelense que se vai ao descanso en desvantaxe, 1-2.
Na segunda parte o Pescados Rubén Burela FS parece que reaparece, dominando o balón e presionando durante practicamente os 20 minutos, co bastantes tiros a porta pero poucos acertos. No minuto 32 chega por fin o empate cun gol de Charly nun rexeite xunto ao pau. No minuto 37 comeza a presionar con maior intensidade o conxunto sevillano pero os de David Rial responden con, primeiro Lucho e posteriormente Ismael, de porteiro-xogador durante os últimos dous minutos, non conseguindo poñerse por riba no marcador a pesar dos numerosos intentos, atopándose con a férrea defensa do equipo visitante.
Ficha Técnica Pescados Rubén Burela FS – Real Betis Futsal “B”
Pescados Rubén Burela FS (2): M.Kaluza; Isma, Alberto, Á. García, Malaguti -quinteto inicial-, Lucho (C), Quelle, Flethes, Charly, Ismael, Mika. Entrenador: David Rial.
Real Betis Futsal “B” (2): Santi Souviron; Iván Gemes, Mariano, Pablo Muñoz, Raúl López -quinteto inicial-, Álex Bernal, Cabañas, Santa Cruz, Cendán, Álex Mendoza, Hugo (P). Entrenador: Ramón Martínez.
Goles: 0-1, min.10: Pablo Muñoz. 1-1, min.14: Lucho. 1-2, min.19: Raúl López. 2-2, min.32: Charly.
Árbitros: Rubén Miguel Velasco, Jesús Montero Galán, Mayra Camila Araujo, Eva López Seijas.
TA: David Rial, Malaguti, Pablo Muñoz, Felipe Álvaro Palmero Durán, Charly.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
