Mañón, 19 de febreiro, 2024. O espazo das Terras da Faladora é unha realidade complexa, onde as personas teñen diferentes xeitos de vida e modos de relacionarse co territorio que habitan.
Neste 2024 centrarémonos nas persoas que desenvolven actividades artísticas na nosa contorna, falaremos das posibilidades laborais e vitais desde o(s) rural(is) e dos factores que condicionan a vida que elixiron. Tamén haberá un espazo para poder coñecer os seus traballos, cunha pequena exposición.
Nesta sétima edición, o propósito é o mesmo de sempre: poñer en valor ás persoas que decidiron emprender dende o rural e coñecer os motivos que as levaron a facelo; e visibilizar estas iniciativas para que outras poidan coñecer o que existe e decidir sobre o seu presente/futuro.
Ademáis, achegarémonos a un espazo en activo “Artemanía” para coñecer unha disciplina das que ofrece, a cerámica, para poñer en valor o traballo cas mans.
O programa da xornada é o seguinte:
SÁBADO, 24 DE FEBREIRO, NO “Abeiro do Sor” (MAÑÓN)| DESDE AS 16:30H ATA AS 19:00H.
FALADOIRO ABERTO SOBRE A VIDA NO RURAL E EXPOSICIÓN DE TRABALLOS
XULIO VILLARINO | FOTÓGRAFO
LEILA DE ARTEXXANAS | ARTESÁ
CRISTIAN F. CARUNCHO | DEBUXANTE E ILUSTRADOR
CLOTILDE LEMOINE | CONSERVADORA E RESTAURADORA
DOMINGO, 25 DE FEBREIRO, NO LOCAL DE ARTEMANÍA (ORTIGUEIRA)| DESDE AS 11:00H ATA AS 14:00H.
OBRADOIRO DE CERÁMICA CON ARTEXXANAS. REALIZACIÓN DUNHA PEZA DECORATIVA DE XESO CUN RELEVO BOTÁNICO
Prazas limitadas e, por tanto, necesaria inscrición previa.
Lugar: Artemanía, en Avenida de Gaita, nº27, Ortigueira.
Prezo: Asociadas no 2024: 10,00€. Non asociadas no 2024: 20,00€
Inscrición en: 653756454 (Ricardo) ou en asociación.nordes@gmail.com
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
