Un dos recursos que facilitará a Deputación é un chatbot con intelixencia artificial integrado nas web de concellos de menos de 5.000 habitantes para ofrecer asistencia virtual á cidadanía as 24 horas os 365 días, unha experiencia piloto que é pioneira en España
Lugo, 23 de febreiro de 2024. A Xunta de Goberno da Deputación de Lugo aprobou este venres a licitación, por un importe de preto de 800.000€, dos últimos lotes do subministro de equipamentos e servizos tecnolóxicos que, unha vez adquiridos, a institución provincial proporcionará de maneira gratuíta aos 52 concellos da provincia que decidiron adherirse ao programa Impulsa TIC.
Con esta última licitación, explicou o Deputado de Promoción Económica e Social, Pablo Rivera Capón, “a Deputación xa ten en fase de contratación a totalidade do investimento de 4,5M€ co que está dotado o Impulsa TIC”. Un proxecto, apuntou, que a institución provincial puxo en marcha con fondos captados da Unión Europea “co obxectivo de colaborar cos concellos da provincia para avanzar na súa transformación dixital e, polo tanto, ofrecer un mellor servizo público aos veciños e veciñas”.
Entre as ferramentas tecnolóxicas que a Xunta de Goberno aprobou licitar hoxe, indicou Pablo Rivera, destaca “a implantación dun chatbot con intelixencia artificial, integrado nas web de concellos de menos de 5.000 habitantes, unha experiencia piloto que é pioneira en España”. Trátase dun asistente virtual, que ofrecerá atención ao cidadán as 24 horas dos 365 días do ano para resolver consultas dun xeito rápido e eficaz, e reducir a carga de traballo para os traballadores públicos. Ademais, nos lotes aprobados esta mañá tamén se inclúen equipamentos dixitais para dar una maior transparencia financeira.
Ademais, na Xunta de Goberno de hoxe saíu adiante a adxudicación do primeiro lote de materiais, á empresa Alpha Syltec Ingeniería, por unha cuantía que ascende a case 18.000€, e que servirán, en concreto, para mellorar a eficiencia dos servizos básicos da Administración dixital, a creación de oficinas municipais de prestación de servizos electrónicos aos cidadáns, a integración dos sistemas de tramitación municipais cos sistemas de padrón e contable ou a implantación dun sistema de automatización e dixitalización dos plenos municipais.
Pablo Rivera avanzou que nas vindeiras semanas a Deputación irá adxudicando o subministro do resto de equipos e servizos,que teñen que estar implantados o 30 de abril, data na que deberán estar finalizados todos os proxectos subvencionados do programa Impulsa TIC.
O Deputado de Promoción Económica e Social lembrou que todo o material atende ás necesidades que os propios concellos lle trasladaron á institución provincial, e que se distribúe seguindo criterios obxectivos entre os 52 concellos que decidiron sumarse ó proxecto, de xeito semellante ao Plan Deputación.
Parque Móbil e Granxa Gayoso
A Xunta de Goberno acordou adxudicar un contrato para o subministro de material e repostos destinados ao Parque Móbil e á Granxa Gayoso Castro da Deputación por un importe conxunto de 100.000€. En concreto, trátase de pezas e repostos, aceites, graxas e aditivos para os vehículos que utilizan ambos servizos; ferramenta e materiais de desgaste do Parque Móbil; e material de limpeza para vehículos e maquinaria. A vixencia do contrato é dun ano, con posibilidade de dúas prórrogas anuais.
Este lume iniciouse ás 14.51 horas do luns e para a súa extinción mobilizáronse, de xeito acumulado, 2 técnicos, 14 axentes, 20 brigadas, 21 motobombas, 1 pa, 5 helicópteros e 7 avións. 
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
