Nota de prensa:
Máis de 400 persoas optan aos postos de traballo que ofrece o Centro de Innovación Social da Deputación
– O organismo provincial publicou a última hora deste pasado martes, tanto na súa páxina web como no taboleiro de anuncios, a listaxe de admitidos e excluídos no proceso de selección de persoal do CIS
– O 13 de outubro os aspirantes serán convocados no Pazo de Feiras e Congresos da capital lucense para continuar co proceso mediante unha proba escrita
– Esta pioneira iniciativa en Galicia dará emprego a 27 lucenses en paro tales como conserxes, persoal de oficina, licenciados en Económicas, diplomados en Humanidades, Educación Social, ou Imaxe e Son, así como axentes dinamizadores
– O equipo resultante traballará códavo con códavo cos cidadáns na procura de servizos que melloren a calidade de vida dos colectivos máis desfavorecidos
A Deputación publicou a última hora do martes, tanto na súa páxina web como no taboleiro de anuncios, a listaxe de admitidos e excluídos no proceso de selección de persoal para o pioneiro Centro de Innovación Social en Galicia, -CIS-, que porá en marcha o organismo provincial en Lugo co obxectivo de mellorar a calidade de vida dos colectivos máis desfavorecidos na provincia. En España só existen outras infraestruturas semellantes en Cataluña, Bilbao e Guipuscua. Esta iniciativa, que estará a pleno rendemento en 2011 nas instalacións da Fundación TIC, conta cun investimento de 1,5 millóns de euros e enmárcase dentro do Plan Avanza que co-financia o Ministerio de Industria, Comercio e Turismo.
Deste xeito, das 426 solicitudes presentadas, foron aceptadas 404 segundo os baremos establecidos nas bases desta convocatoria tamén feitas públicas. Nos vindeiros días, concretamente o 13 de outubro, os admitidos serán convocados no Pazo de Feiras e Congresos da capital lucense para continuar co proceso de selección mediante unha proba escrita.
O Centro de Innovación Social da Deputación dará emprego a 27 lucenses que actualmente se atopan en paro tales como conserxes, persoal de oficina, licenciados en Ciencias Económicas ou Dirección e Administración de Empresas, diplomados en Humanidades, Educación Social, Imaxe e Son, e ata axentes dinamizadores Multimedia e TIC, ou de Benestar Social. O equipo resultante traballará códavo con códavo cos cidadáns na procura de servizos que se axunten ás necesidades dos veciños da provincia.
Crea emprego, mellora servizos e aforra cartos
A Deputación, ademais de crear emprego na provincia coa posta en marcha do CIS, tamén fomentará o envellecemento activo e impidirá o aillamento dos lucenses. Para elo, o Centro de Innovación Social impulsará o desenvolvemento de novidosos proxectos baseados nas TICs que faciliten a vida dos maiores e persoas dependentes. Por exemplo: unha silla adaptada, un libro de exercicios que axilice a capacidade mental, ou mesmo aparellos que den solucións ás deficiencias visuais ou auditivas.
Da mesma forma, o organismo provincial aforrará cartos ás PEMES. A estas entidades suponlles un gran gasto atopar servizos específicos tales como un programa de facturación, e vense na obriga de recurrir a unha subcontrata que teña grandes infraestruturas e persoal cualificado para acadar o produto axeitado. O CIS da Deputación pode solventar este problema e aforrarlles cartos.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
