Mondoñedo, 29 de maio do 2024. Para o BNG resulta imposible poder xogar sen rematar coas mans e a roupa tinguidas de negro polo mofo que impregnan as instalacións e consideran inaceptable que os cativos teñan que padecer un parque de xogos que parece sacado dunha película da “Familia Monster” por culpa do mofo e o lixo acumulado durante anos.
-O principal parque infantil de Mondoñedo converteuse nun potencial perigo para os máis cativos-
Moito máis grave é o estado das subxeccións dalgúns equipamentos a piques de rachar polo desgaste, o que podería ocasionar un posible accidente e lesións das nenas e nenos que xogan no parque municipal.
Ademais, desde o BNG consideran que o goberno municipal non pode mirar cara a outro lado ante esta situación de abandono que, xunto coa falta de limpeza e mantemento das rúas e espazos públicos da cidade, pode ser unha das variantes que poden ter en conta as familias cando teñen que decidir se establecen a súa residencia en Mondoñedo ou noutro concello limítrofe da comarca.
Para o voceiro municipal do BNG, Eloi Cabanas, o coidado e a seguridade dos fillos é unha prioridade esencial e denuncia que goberno municipal aínda non fixera efectiva a proposta presentada en pleno polo grupo nacionalista o pasado mes de marzo para que o goberno tomase as medidas necesarias para solucionar o problema de conservación do parque e evitar así posibles situacións de risco para os menores.
“Trátase dunha vergoña e un desleixo, as autoridades municipais non poden estar esperando eternamente por unha subvención para reformar o parque do seminario e deben intervir inmediatamente para corrixir estas deficiencias”.
O BNG tamén se fai eco das queixas habituais que lles trasladan os veciños e veciñas relativas á frecuencia e intensidade con que se realizan os traballos habituais de roza da vexetación espontánea e limpeza das rúas e espazos públicos da cidade xa que non son suficientes para garantir unha imaxe de cidade limpa e ben coidada.
“Queremos unha cidade limpa por fora e máis por dentro así que vamos formular un rogo no pleno deste xoves 30 de maio para que o goberno reforce este servizo e garanta unha limpeza intensiva e en profundidade en todos os espazos e edificios públicos da cidade non só na época estival se non que tamén ao longo de todo o ano”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
