Os populares recordan que no pleno do pasado 6 de marzo defenderon unha iniciativa, aprobada por unanimidade, para que o Concello de Viveiro solicitase obradoiros duais e de garantía xuvenil “despois de ter perdido a ocasión de solicitalos para este ano”
Viveiro, 3 de setembro de 2024. O PP de Viveiro pide que no vindeiro pleno o goberno de PSOE e BNG que preside a señora Loureiro explique os avances realizados para solicitar obradoiros de emprego para o municipio na vindeira convocatoria, toda vez que este ano xa non foi solicitado. Así mesmo, os concelleiros do PP queren que explique as xestións para a mellora de instalacións municipais ou para conseguir o uso doutros espazos para que, nun futuro non afastado, o noso concello poida contar con obradoiros para desempregados.
Os concelleiros populares recordan que no pleno do 6 de marzo defenderon unha iniciativa, aprobada por unanimidade, para que o Concello de Viveiro impulsase a solicitude dos obradoiros para desempregados, incluíndo os de garantía xuvenil, para a súa posterior implantación co obxectivo de promover a inserción laboral.
Os concelleiros do PP recordan que hai anos que Viveiro non se beneficia dos obradoiros de emprego que promociona a Xunta de Galicia e que “cremos son necesarios para incentivar a formación e promover a inserción laboral tanto entre os mozos como entre os adultos cuxa situación está comprometida”.
Os veciños de Viveiro reclaman estes servizos, pero en vista de que o noso concello non os solicita, teñen que acudir aos concellos veciños a anotarse para poder realizalos. “Sendo tantos desempregados os que acoden a inscribirse, saturan as listas e moitos deses demandantes quedan sen a oportunidade de formarse”, subliñan.
Viveiro conta con entidade suficiente para promover a título individual estes obradoiros e, ademais, etn unha media de paro superior a 500 habitantes no 2023, requisito que figura na Orde que establece as bases reguladoras das axudas e subvenciones para os obradoiros duais de emprego para o 2024.
Estes programas experienciais de emprego e formación teñen por finalidade mellorar a ocupación das persoas desempregadas de dezaoito ou máis anos de idade, mediante a realización de obras ou prestación de servizos de interese xeral e social que posibiliten ao alumnado participante a realización dun traballo efectivo que, xunto coa formación profesional para o emprego recibida, relacionada directamente co devandito traballo, procure a súa cualificación profesional e favoreza a súa posterior inserción laboral no mercado de traballo.
“A formación é algo necesario e enriquecedor, polo que non comprendemos o motivo polo cal este tipo de obradoiros non se solicitan”, denuncian dende o PP local.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
