Foz, 28 de setembro de 2024. O alcalde de Foz, Fran Cajoto, e o concelleiro de Relacións Institucionais, Carlos García, mantiveron unha reunión de traballo coa Subdelegada do Goberno, Isabel Rodríguez; o Xefe da Demarcación de Estradas en Galicia, Ángel González del Río; a Xefa da Unidade en Lugo, Beatriz González del Riego; e outros técnicos. A xuntanza centrouse en proxectos e actuacións de interese para o Concello correspondentes á Dirección Xeral de Estradas.
“Estivemos tratando aspectos técnicos das obras en curso da nova rotonda no cruce de Gralleira – Ribela, en Cangas, sobre a estrada Nacional 642, relativos a servizos e conducións que se ven afectados e que hai que repoñer. A previsión que manexa a Demarcación é que este ano rematen as obras desta rotonda e no primeiro semestre do 2025 se execute a rotonda do cruce da N642 coa estrada LU162 a Ferreira e o centro cívico de Cangas”, explica o alcalde de Foz.
As obras de ámbalas dúas rotondas, que contan cun investimento de máis de 720.000 euros, son executadas pola empresa Matinsa dentro do contrato de conservación da rede do que resultou adxudicataria.
Fran Cajoto engade que “era un compromiso electoral, unhas obras moi necesarias por seguridade e para mellorar a mobilidade dos veciños da parroquia. Reunímonos en moitas ocasións, desprazámonos a Madrid e conseguimos que en agosto do ano 2022 se publicara a aprobación provisional do proxecto de trazado. Non vendimos fume, traballamos arreo e agora é unha realidade”.
O alcalde de Foz fala dos seguintes fitos: “a seguinte obra que faremos realidade é a mellora da intersección da N642 coa estrada LU152 na Corredoira. Está moi próximo a aprobarse o proxecto construtivo, último paso antes da contratación das obras. Vai a ser unha mellora moi importante para as veciñas e veciños de Santo Acisclo, Santa Cilla, San Martiño e Vilaronte, que en verán se enchen de paciencia neste cruce”.
Os representantes do equipo de goberno municipal tamén trataron os avances no deseño e aprobación do Terceiro Acceso. “Agardamos a primeira publicación no Boletín Oficial do Estado e estamos impulsando xa distintas melloras, para que sexa funcional e se adapte ás necesidades da nosa vila. Un Terceiro Acceso desde a variante vai a resultar unha mellora definitiva na mobilidade no noso casco urbano”, explica Cajoto.
O alcalde de Foz tamén demandou do Xefe da Demarcación avances na autovía A-74, “un proxecto fundamental para Foz pero tamén para toda a comarca da Mariña. Unha vía de alta capacidade completa que vertebre a Mariña, conformada por unha VAC Costa Norte que salve o tapón de Viveiro e que é responsabilidade da Xunta de Galicia e continuada pola autovía A-74 é unha absoluta necesidade. En Foz eliminaríamos ademais o tráfico das travesías de Cangas, Nois e Fazouro e serviría para impulsar transporte e turismo”.
Ademais o rexedor municipal demandou axilidade na publicación no BOE dos proxectos e trazado dos tramos Burela – Foz, Foz – O Carme e O Carme – Barreiros, en distintas fases de avance.
Alcalde e concelleiro agradeceron “a atención da Demarcación de Estradas e o impulso que se lle está a dar aos proxectos de interese do noso municipio”.
En palabras do edil Carlos García, “hai un proxecto de futuro no que todos os concelleiros estamos traballando arreo, coa coordinación tamén e o esforzo do alcalde. Nótase nos resultados, cunhas rotondas de Cangas que xa son unha realidade. Imos seguir por esta liña, buscando a seguridade, a mobilidade e o respecto e a integración co entorno. O que nos move son as persoas”.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
