“Desde a institución provincial sentimos un compromiso profundo con este tipo de proxectos”, destacou Carmela López, “porque sabemos que a saúde mental debe ser unha prioridade real e efectiva”
Lugo, 4 de outubro de 2024. A Deputada de Economía, Recadación, Facenda e Especial de Contas, Carmela López, participou este venres en Cervo na apertura dunha residencia de saúde mental con capacidade para atender a 20 persoas. Puxo en valor o traballo do colectivo Saúde Mental da Mariña, que xestiona este novo servizo e que conta cunha achega anual da institución provincial de 15.000€ para sufragar os gastos de funcionamento.
“Desde a institución provincial sentimos un compromiso profundo con este tipo de proxectos”, destacou Carmela López, “porque sabemos que a saúde mental debe ser unha prioridade real e efectiva”. Valorou que “cando falamos de saúde mental, falamos de algo que nos afecta a todas as persoas e que require dun acompañamento próximo, sen prexuízos e con moita sensibilidade”.
Nese sentido, a Deputada fixo fincapé en que “a creación desta residencia significa que estamos poñendo as necesidades das persoas no centro” e valorou que os residentes do centro “van atopar apoio especializado” e ademais “empatía, respecto e un lugar onde ser eles mesmos”.
Lembrou que as políticas sociais da Deputación “son unha parte esencial do noso traballo, e unha boa proba diso é que dedicamos máis dun terzo no noso presuposto a mellorar a calidade de vida dos veciños e veciñas desta provincia” e insistiu en que “non hai maior sinal de avance social que garantir que cada persoa, independentemente das súas circunstancias, teña acceso a un apoio adecuado e digno”.
Na inauguración desta nova residencia, que está situada na Praza do Souto de Cervo, acompañaron a Carmela López o Presidente de Saúde Mental A Mariña, Jorge Manchado; o Presidente de Saúde Mental FEAFES Galicia, José Ramón Girón García; e a Alcaldesa de Cervo, Dolores García Caramés, entre outras autoridades.
Asociación Saúde Mental A Mariña
Esta entidade nace no ano 1999 co obxectivo de dar atención de forma continuada ás persoas que padecen enfermidades mentais, na comarca mariñá, e as súas familias, que precisan do coñecemento de diferentes ferramentas para facer fronte a diversas situacións.
Esta residencia, situada no centro do municipio, atenderá a doentes de toda Galicia con trastorno mental persistente, que teñan entre os 18 e os 60 anos.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
