O Partido Popular aposta por “convocar as axudas a clubs, asociacións e outras entidades sociais a comezos de ano de forma que lles permitan planificar as súas actividades e contar cunha previsión de fondos”
Vilalba, 22 de xaneiro de 2025. O PP de Vilalba denuncia que “o goberno de PSOE e Vilalba Aberta deixa tiradas ás asociacións por segundo ano consecutivo”. Os populares advirten que “o goberno municipal leva máis de dous anos sen convocar as subvencións de concorrencia competitiva -as que se outorgan por puntuación-” polo que aquelas que non están incluídas entre as subvencións nominativas -as que outorga o goberno de forma directa- quedan sen opcións de conseguir axudas do Concello.
Por iso, o Grupo Municipal Popular levará como proposta ao Pleno municipal que se convoquen as subvencións de concorrencia competitiva e con partida específica nos orzamentos para o 2025.
Os concelleiros do PP afean que, desta forma, “medio cento de asociacións quedan sen apoio para facer fronte a gastos básicos como o pago dos recibos da luz e da auga dos seus locais sociais”.
Dende o PP vilalbés consideran que “este é un claro indicativo do pouco que lles interesan os distintos colectivos do noso concello ao goberno municipal” ou o que é o mesmo “o pouco que lles interesan os veciños e veciñas de Vilalba” e a dinamización social, cultural e deportiva.
Incluso, isto “define o estilo de goberno de PSOE-Vilalba Aberta: alleo ao que demandan os vilalbeses, sen ter en conta as súas necesidades e sen vontade por escoitar e dialogar”.
O Partido Popular xa ten manifestado noutras ocasións a súa aposta por “convocar as axudas a clubs, asociacións e outras entidades sociais a comezos de ano” de forma que “sexan útiles a estes colectivos ao coñecer a comezos de ano o apoio co que poden contar dende o Concello para planificar as súas actividades sabendo dos fondos dos que dispoñen e podendo axustar os seus gastos aos seus ingresos anuais”.
Os populares inciden en que “o Concello de Vilalba non dispón de orzamento aprobado para este 2025, polo que se prorroga o do 2024 nos que non consignaban partida orzamentaria para axudas en réxime de concorrencia competitiva”.
Nese sentido, convidan á alcaldesa a que, “en lugar de facer oposición á oposición e facerse fotos para as redes sociais, se poña a traballar nas competencias que lle son propias como é a de presentar un proxecto de orzamentos actualizado que responda ás necesidades dos vilalbeses e non aos seus propios caprichos”.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
