Viveiro, 11 de febreiro, 2025. A Xunta de Confrarías anunciou ao Pregoeiro da Semana Santa de Viveiro en 2025, que será o Rvdo. D. Juan Manuel Basoa Rodríguez, moi vinculado a Viveiro onde deixou un gran ronsel do seu bo facer.
A súa elección foi unánime polos membros da directiva, tanto polo bo legado deixado na cidade como polos seus destacados dotes como orador, chegando fondo aos sentimentos da audiencia a través da palabra.
A Xunta de Confrarías mostra a súa enorme satisfacción por poder contar co Rvdo. D. Juan Basoa pois encaixa á perfección co enfoque buscado de proximidade coa identidade Cristiá.
Juan Manuel Basoa Rodríguez naceu o 20 de xaneiro de 1966 en Madrid, sendo o quinto de sete irmáns nunha familia humilde. Aos 5 anos, trasladouse coa súa familia a San Julián de Narón, onde realizou os seus estudos de EGB no Feal. Aos 15 anos, ingresou no Seminario Menor de Mondoñedo para estudar o BUP. Continuou a súa formación no Seminario de Moncada, na Arquidiocese de Valencia, onde cursou COU e o primeiro ano de Estudos Eclesiásticos. Posteriormente, trasladouse ao Teologado de San Rosendo en Santiago de Compostela, onde obtivo o Bacharelato en Teoloxía no Instituto Teolóxico Compostelán, adscrito á Universidade Pontificia de Salamanca.
Foi ordenado sacerdote o 5 de abril de 1992 na Concatedral de San Julián de Ferrol. A súa actividade pastoral comezou na Unidade Pastoral das Pontes (1991-93), onde tamén foi profesor de Relixión. Entre 1993 e 1995, traballou no Seminario de Mondoñedo como Formador e Director Espiritual, ademais de ser profesor e Moderador da Unidade Pastoral de Abadín e Delegado diocesano de Vocacións.
De 1995 a 1999, regresou á Unidade Pastoral das Pontes, onde continuou como profesor de Relixión e da Escola diocesana de Teoloxía, e converteuse en membro do Consello Presbiteral. Anos despois, foi enviado a Valencia a ampliar estudos e alí obtivo a Licenciatura en Teoloxía do Matrimonio e a Familia no Pontificio Instituto Xoán Paulo II para estudos do Matrimonio e a Familia.
En 2001, foi nomeado membro do Equipo sacerdotal de Vilalba e o seu UPA, ademais de ser Director Espiritual do Seminario Menor de Mondoñedo e do Teologado San Rosendo en Santiago. Ese mesmo ano, foi nomeado Delegado diocesano de Pastoral Familiar, cargo que ocupou ata 2018.
En 2004, foi nomeado Párroco de San Pedro Apóstolo de Ferrol e en 2009 encargóuselle formar a UPA do Ensanche, que agrupaba as parroquias de San Pedro Apóstolo, Ntro. Sra. do Rosario e Santo Domingo. Alternou este encargo co de Delegado diocesano de Cáritas.
Enfoque en Viveiro:
En setembro de 2014, Juan foi enviado a Viveiro para consolidar a Unidade Pastoral de Viveiro xunto a Xosé Román Escourido. Juan desempeñou o seu labor en Viveiro ata setembro de 2022, momento no que foi nomeado Moderador da UPA de Vilalba e Reitor do Seminario de Mondoñedo, encargado dos seminaristas que a diocese ten no Seminario de Santiago.
En setembro de 2024, foi nomeado formador do Seminario Interdiocesano “Apostol Santiago”, onde están os seminaristas da súa diocese, xunto cos de Santiago de Compostela e Tui-Vigo.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
