Os obxectivos desta iniciativa formativa foron explicar as vantaxes e oportunidades do emprendemento cooperativo, especialmente en cooperativas agrarias, ou promover o coñecemento de novas producións agroalimentarias, entre outros
Ribadeo, 4 de abril de 2025. A Axencia Galega da Calidade Alimentaria levou a cabo hoxe unha xornada formativa sobre oportunidades de negocio en relación coa produción e comercialización das fabas de calidade, celebrada no Centro de Experimentación e Formación Agraria (CFEA) Pedro Murias de Ribadeo.
Esta iniciativa foi promovida pola Xunta en colaboración coa Asociación Galega de Cooperativas Agroalimentarias (Agaca) e forma parte das accións de formación e e I+D+i postas en marcha a prol da Faba de Lourenzá. A actividade enmárcase ademais no programa de actuación 2025 da Rede Eusumo, unha rede de colaboración impulsada pola Consellería de Emprego, Comercio e Emigración para o fomento do cooperativismo e a economía social, que conta co financiamento do Ministerio de Traballo e Economía Social.
Os obxectivos desta xornada foron explicar as vantaxes e oportunidades do emprendemento cooperativo, especialmente en cooperativas agrarias; promover o coñecemento de novas producións en ámbitos agroalimentarios e impulsar a xeración de emprego cooperativo; así como fomentar a fixación de poboación no rural na contorna das cooperativas. A maiores, buscou analizar a situación actual do cultivo da faba de Lourenzá ante o descenso de produción dos últimos años na procura de solucións
Esta actividade contou cunha ampla variedade de faladoiros que ofrecen unha análise completa da situación que está a vivir a Faba de Lourenzá na nosa comunidade. A xornada comezou cun relatorio sobre o cultivo de fabas de calidade, no que se abordarán cuestións como as características agroclimáticas idónea para cultivar esta legume, como manexar o chan e preparar o terreo. Impartíronse tamén nocións sobre o seu ciclo de cultivo e técnicas de sementeira; así como sobre boas prácticas para optimizar a produción, a fertilización e a rega.
Posteriormente, afondouse no apoio ás iniciativas de emprego en economía social por parte da Xunta, continuando despois con temas relacionados coa selección de sementes para a produción de fabas de calidade e a sanidade da semente de Faba de Lourenzá.
A xornada tamén incluíu relatorios sobre o cambio climático, as pragas e as enfermidades na selección das sementes e os requisitos e beneficios para certificar a faba. Por último, analizáronse a comercialización e as tendencias de mercado.
Medidas a prol da Faba de Lourenzá
Esta acción forma parte do paquete de medidas posto en marcha pola Xunta de Galicia para apoiar o cultivo de Faba de Lourenzá, que inclúe, entre outras actuacións, axudas directas, de carácter excepcional, para os produtores inscritos nesta Indicación Xeográfica Protexida (IXP).
Tamén, un instrumento financeiro para dotar de liquidez aos agricultores e gandeiros galegos en xeral e de modo específico aos fabeiros, co fin de que poidan facer fronte á sementeira. Ao tempo, con estas actividades de formación e divulgación búscase converter o Pedro Murias nun centro de referencia, de forma que funcione, tamén, como punto de realización de campos de ensaio.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
