Será o xoves 15 de maio ás 11:30 horas diante do Centro de Saúde de Viveiro
A Mariña, 8 de maio de 2025. A Plataforma na Defensa da Sanidade Pública da Mariña, despois de sucesivos encontros e xuntanzas con membros do tecido asociativo da cidade, nos que se analizou o estado no que se atopa o seu centro sanitario convoca unha concentración diante do centro de saúde o próximo xoves día 15 de maio ás 11.30 horas.
Nestas reunións entre o colectivo sanitario e veciñxs de Viveiro constatouse o “desastre sanitario continuado no tempo que sufre o seu centro de saúde, con vinte días de agarda ou máis para conseguir unha cita para ser atendidx por un/ha médica de familia o que xenera un sentimento de abandono nas persoas que precisan atención aos seus problemas de saúde”.
Falta case o cincuenta por cen dxs médicxs de familia e a metade de pediatras
A situación é extremadamente grave xa que esta semana faltaban cinco dos once médicos, case o cincuenta por cen da dotación de facultativxs de familia. Segundo manifesta a coordinadora da plataforma sanitaria, Montse Porteiro esta situación que se está a dar non é un feito puntual senón que constitúe o día a día neste centro de saúde, “salvo nos días previos á celebración multitudinaria da manifestación en defensa da sanidade pública que encheu Viveiro; eses días atoparon médicxs para cubrir case todas as ausencias que hai habitualmente”.
Respecto ao servizo de pediatría nada mudou tampouco desde hai máis dun ano, cando, trala enorme presión social das e dos veciños de Viveiro, o Vicedo, Ourol e gran parte da Mariña sobre os e as responsables de xestionar a sanidade, cubriuse unha das dúas prazas de pediatría que hai.
Viveiro tamén sufre as escandalosas listas de espera para especialistas hospitalarios
Se a situación na Atención Primaria é escandalosa un adxectivo aparte merece tamén a falta de atención médica nas especialidades hospitalarias, constatándose que hai persoas que levan agardando varios anos para ser vistos no hospital. Estas agardas tan vergonzosas en pacientes que deberan ser revisados nun período de tempo prescrito polo especialista supoñen un risco e un perigo para a saúde das persoas, que poden ver agravado o seu proceso, ou mesmo poden precisar dun ingreso que sería innecesario se fose revisada a evolución da súa enfermidade ou os axustes de tratamento da especialidade. Desde o colectivo sanitario afirman que hai moitos casos sangrantes de agardas de tres, cinco anos ou incluso máis anos, superándose con creces as listas de espera oficiais do Sergas, “maquilladas e falseadas ata extremos insospeitados, constituindo estas cifras dadas polas xerencias e a consellería de sanidade a punta dun iceberg. O peor das listas de espera está mergullado e oculto para que a poboación non se entere do desastre sanitario que provocaron”- explican.
O colectivo sanitario axudará a facer reclamacións
O mesmo día da concentración diferentes integrantes da plataforma sanitaria axudarán ás persoas que queiran a redactar reclamacacións en relación a agardas excesivas para ser atendidxs.
Desde a Plataforma Sanitaria animan a toda a sociedade viveirense, ás localidades veciñas e en xeral a todas as veciñas e veciños da Mariña a que acudan a esta concentración para defender o dereito a unha atención digna, con non máis de 48 horas de agarda para unha consulta ordiñaria. Todo o que supere ese tempo significa alonxamento dos estándares de calidade e dos principios básicos da Atención Primaria.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
