A Mariña 12 de maio de 2025. Unha muller quere denunciar públicamente que a falta de médicxs no hospital da Mariña está a provocar a derivación cara ao Hula por problemas que deberían resolverse aquí, como lle aconteceu a súa nai recentemente.
A muller relata que o domingo 9 de marzo súa nai sufriu un atragantamento que lle produciu unha importante falta de aire e sofocación, e tras contactar co 061 acuden ao servizo de urxencias do hospital. Tras a primeira valoración de urxencia pasa a ser atendida por Medicina Interna que decide deixala en observación 24 horas, pois non se recuperaba a saturación de osíxeno. Explicáronlle que se non remontaba non podería ingresar pois non había médicxs que poideran atendela e non lles deixaban ingresar máis pacientes. Ofertáronlle a derivación ao HULA máis según explica a muller “a miña situación é moi complicada pois a maiores de miña nai teño que atender ao meu pai de 86 anos, polo que non podemos irnos para Lugo”. Pasadas 24 horas recuperara algo máis a saturación aínda non estaba ben e volveron decirlle que non podían tela alí, e ao non querer irnos a Lugo “mandárona para a casa baixo a nosa responsabilidade”.
A muller indignouse ao escoitar na radio a resposta do Sergas
Esta muller contactou coa Plataforma Sanitaria da Mariña para que puxéramos voz á súa denuncia xa que se indignou coa resposta que deron desde o Sergas cando lle pediron explicacións.
Trala denuncia pública dun sindicato do que aconteceu ese día no hospital da Mariña, con derivacións de moitos pacientes a Lugo por falta de médicxs no centro sumados a uhna avería no TAC que non arranxou a empresa privada encargada por ser domingo, o Sergas respostou nun programa de radio que as derivacións a Lugo foran por esa avería. Foi nese momento cando a muller entrou en directo en antena para explicar o que sucedera realmente “pois é mentira que solo derivaran a Lugo pola avería do TAC, había pacientes de Medicina Interna tamén e mandaron varios pacientes na mesma ambulancia; eu estaba alí e ocurriu como denunciou o sindicato CIG”.
A Plataforma Sanitaria leva quince anos advertindo que ía pasar esto
Desde o colectivo sanitario indican que “levan quince anos advertindo que esto ía acontecer e que a situación sanitaria ía deteriorarse a pasos axigantados trala supresión da área sanitaria para pasar a ser un distrito da macroárea de Lugo. Xamáis quixeron dialogar cos colectivos sanitarios do país aglutinados en SOS Sanidade Pública para escoitar as súas propostas, o único que fixeron foi poñer en marcha as súas políticas sanitarias nefastas para a poboación á vez que nos tacharon de mentireirxs e alarmistas e lamentablemente o tempo está a darnos a razón”- explican.
Convocatoria de concentración en Viveiro o 15 de maio
Esta plataforma sanitaria ten convocada unha concentración o próximo xoves día 15 de maio diante do Centro de Saúde de Viveiro ás 11:30 horas. “Animamos a todas as persoas de Viveiro, dos concellos veciños e en xeral de toda a comarca a que acudan a esta convocatoria pois a atención sanitaria tanto no centro de saúde como no hospital da Mariña está moi deteriorada, cunhas agardas escandalosamente elevadas que producen un enorme sufrimento nas persoas e o deterioro do seu estado de saúde. Cando hai que agardar vinte días como mínimo para unha cita en Viveiro en Atención Primaria ou varios anos para unha consulta no hospital a asistencia sanitaria non está garantida, como queren facernos crer”- conclúe Montse Porteiro, coordinadora do colectivo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
